સોશિયલ મીડિયા પર છેલ્લા કેટલાંક સમયથી ક્રોંગ્રેસ અધ્યક્ષ રાહુલ ગાંધી અને અદિતી સિંહની સગાઇને લઇને ફેલાઇ રહેલી અફવાઓને લઇને અદિતી સિંહે આ વાતનું ખંડન કરતા જણાવ્યું કે રાહુલ મારા મોટા ભાઇ સમાન છે. આ વિશે તેમણે ટ્વીટ કરી સોશિયલ મીડિયા પર જણાવ્યું હતું.
અદિતી સિંહ રાયબરેલીના એમએલએ અ બાહુબલી નેતા અખિલેશ સિંહના પુત્રી છે.તેમણે ટ્વીટમાં જણાવ્યું કે કર્ણાટક ચૂંટણીને લઇને તેમની અને રાહુલ ગાંધી વિશે આવી અફવાઓ ફેલાવવામાં આવી રહી છે, જેથી તેમના પક્ષા અને નેતાઓને બદનામ કરી શકાય. આ કોઇ શૈતાનની કરતૂત છે અને તેમની વિરુદ્ધ તેઓ કાયદાનો સહારો લેશે.
