પેન્શન સંબંધિત પ્રશ્નો અને ફરિયાદોના નિરાકરણ માટે અમદાવાદમાં 20 નવેમ્બર 2026ના રોજ પેન્શન અદાલતનું આયોજન કરવામાં આવ્યું છે.
મુખ્ય પોસ્ટ માસ્ટર જનરલ, ગુજરાત સર્કલની કચેરી, ખાનપુર, અમદાવાદ ખાતે બપોરે 12 વાગ્યે આ અદાલત યોજાશે. તેમાં નીતિ વિષયક મુદ્દાઓ સિવાયની પોસ્ટલ પેન્શન સંબંધિત ફરિયાદો સાંભળીને તેનો નિકાલ કરવામાં આવશે.
ખાસ કરીને પ્રાદેશિક પેન્શન અદાલતમાં રજૂ કરવામાં આવેલી, પરંતુ હજુ સુધી ઉકેલાઈ ન હોય તેવી ફરિયાદો પર પણ સુનાવણી કરવામાં આવશે.
પેન્શન સંબંધિત ફરિયાદો આસિસ્ટન્ટ ડાયરેક્ટર પોસ્ટલ સર્વિસીઝ, એકાઉન્ટ અને પેન્શન વિભાગ, મુખ્ય પોસ્ટ માસ્ટર જનરલની કચેરી, ગુજરાત સર્કલ, ખાનપુર, અમદાવાદ-380001 ખાતે મોકલવાની રહેશે.
ફરિયાદો મોકલવાની છેલ્લી તારીખ 16 નવેમ્બર 2026 છે. નિર્ધારિત સમયમર્યાદા બાદ મળેલી ફરિયાદો સ્વીકારવામાં આવશે નહીં.
અરજદારોએ પોતાની ફરિયાદ સ્પષ્ટ અને મુદ્દાસર રજૂ કરવાની રહેશે. નીતિ વિષયક મુદ્દાઓની સુનાવણી આ પેન્શન અદાલતમાં કરવામાં આવશે નહીં.
