અમદાવાદ : ગ્લોબલ ઇન્ડિયન ઇન્ટરનેશનલ સ્કૂલ (જીઆઇઆઇએસ), અમદાવાદે તેના કેમ્પસમાં ગ્લોબલ UniExplore ફેર 2026નું સફળ આયોજન કર્યું હતું, જેમાં 40થી વધુ અગ્રણી આંતરરાષ્ટ્રીય યુનિવર્સિટીના પ્રતિનિધિઓ, વિદ્યાર્થીઓ અને તેમના માતા-પિતા ઉપસ્થિત રહ્યાં હતાં. આ કાર્યક્રમનો ઉદ્દેશ્ય આંતરરાષ્ટ્રીય સ્તરે ઉચ્ચ શિક્ષણની તકો, શિક્ષણ માટે ઉભરતાં ડેસ્ટિનેશન અને કારકિર્દીની તકો વિશે ઊંડાણપૂર્વક જાણકારી પૂરી પાડવાનો હતો, જેથી વિદ્યાર્થીઓ તેમના શિક્ષણ અંગે માહિતીસભર નિર્ણય કરી શકે.
કાર્યક્રમની શરૂઆત રજિસ્ટર્ડ વિદ્યાર્થીઓ અને તેમના માતા-પિતા માટે એક માહિતીસભર સેશન “ઇમર્જિંગ ડેસ્ટિનેશન્સ ઇન સ્ટડી એબ્રોડ” સાથે થઇ હતી. આ સેશનમાં જાપાન, ફ્રાન્સ, હોંગ કોંગ, યુરોપ અને સ્કોટલેન્ડમાં ઉપલબ્ધ તકો વિશે જાણકારી અપાઇ હતી, જેથી સહભાગીઓને વિવિધ વૈશ્વિક પાથવે અંગે સમજણ કેળવવામાં અને તેમના ભવિષ્ય માટે માહિતીસભર નિર્ણય લેવામાં તક મળી હતી.
UniExplore ફેરની 1150થી વધુ લોકોએ મુલાકાત લીધી હતી, જેમાં ધોરણ 9 અને 12ના 1100થી વધુ વિદ્યાર્થીઓ અને 50થી વધુ માતા-પિતાનો સમાવેશ થાય છે. આ ઉપરાંત યુનિવર્સિટી ઓફ ટોક્યો, યુનિવર્સિટી ઓફ ડુન્ડી તેમજ યુનિવર્સિટી ઓફ યોર્ક સહિતના પ્રતિષ્ઠિત સંસ્થાનોએ એકેડેમિક પ્રોગ્રામ, એડમીશન પ્રક્રિયા, સ્કોલરશીપ અને કરિયર પાથવે વિશે જાણકારી આપી હતી.
વિદ્યાર્થીઓએ અલગ-અલગ યુનિવર્સિટીના પ્રતિનિધિઓ સાથે સીધી ચર્ચા કરી હતી, જેમાં એન્જિનિયરિંગ, મેડિસિન, ડિઝાઇન, આર્કિટેક્ચર, બિઝનેસ, અર્થશાસ્ત્ર, મનોવિજ્ઞાન અને એરોસ્પેસ જેવા વિષયોનો અભ્યાસ કરવામાં આવ્યો. આ ઉપરાંત માતા-પિતાએ એડમીશન, ટાઇમલાઇન અને નાણાકીય આયોજન અંગે સ્પષ્ટતા મેળવવાની તકને મહત્વ આપ્યું હતું. કાર્યક્રમનું સમાપન નેટવર્કિંગ લંચ સેશન થયું હતું, જેમાં યુનિવર્સિટીના પ્રતિનિધિઓ અને જીઆઇઆઇએસ અમદાવાદની લીડરશીપ ટીમ વચ્ચે જોડાણને પ્રોત્સાહન મળ્યું હતું.
