અમદાવાદ: અમદાવાદમાં 18 એપ્રિલની સાંજે અર્પણા’સ એલિવેટ ખાતે યોજાયેલ “ભજન ટ્રાઈબ – ભજન જામ” સેશનએ પરંપરાગત ભક્તિ સંગીતને આધુનિક અંદાજમાં રજૂ કરીને એક અનોખું સાંસ્કૃતિક માહોલ સર્જ્યો. આ પહેલ દ્વારા યુવા પેઢી અને વડીલો વચ્ચે ભક્તિના સૂરો દ્વારા એક સેતુ રચાયો. આ સત્રની કલ્પના અને આયોજન શ્રીમતી અર્પણા ભુવાણિયા દ્વારા કરવામાં આવ્યું હતું, જેમાં ભારતીય સાંસ્કૃતિક વારસાને આજની પેઢી માટે વધુ પ્રાસંગિક અને આકર્ષક બનાવવાનો પ્રયત્ન કરવામાં આવ્યો હતો. કાર્યક્રમ દરમિયાન પરંપરાગત ભજનોને ‘જામ સેશન’ ફોર્મેટમાં રજૂ કરવામાં આવ્યા, જેના કારણે શ્રોતાઓ માત્ર દર્શક નહીં પરંતુ સક્રિય સહભાગી બની શક્યા.
સાંજે 9 થી 11 દરમિયાન યોજાયેલા આ કાર્યક્રમમાં ગાયિકા શૈલજા તિવારીએ ભજનોની ભાવસભર રજૂઆત કરી હતી. તબલા સાથે ગિટાર અને કીબોર્ડ જેવા આધુનિક વાદ્યોના સંગમથી સંગીતમાં એક નવી ઊર્જા જોવા મળી, જે યુવા શ્રોતાઓ માટે ખાસ આકર્ષણનું કેન્દ્ર બન્યું. કાર્યક્રમમાં 60થી વધુ ભક્તોએ લાલ અને સફેદ રંગના પ્રતીકાત્મક વસ્ત્રોમાં હાજરી આપી હતી, જેના કારણે સમગ્ર વાતાવરણ વધુ ભક્તિમય અને દૃશ્યમય બન્યું. ખાસ વાત એ રહી કે આ સત્રમાં મોટી સંખ્યામાં યુવાનો ઉત્સાહપૂર્વક જોડાયા હતા, જે પરંપરાગત ભક્તિ સંગીત પ્રત્યે તેમની વધતી રસને દર્શાવે છે.
આ પ્રસંગે અર્પણા ભુવાણિયાએ જણાવ્યું હતું કે, “અમારો હેતુ ભક્તિ સંગીતને આજની પેઢી માટે જીવંત અને સંબંધિત બનાવવાનો છે. અમે ઈચ્છીએ છીએ કે યુવાનો આપણા સંસ્કૃતિ સાથે જોડાય અને તેને આનંદદાયક રીતે અનુભવે.”
“ભજન જામ” માત્ર એક સંગીત કાર્યક્રમ નહીં પરંતુ એક ‘ઇમર્સિવ સ્પિરિચ્યુઅલ એક્સપિરીયન્સ’ સાબિત થયો, જેમાં કલાકારો અને શ્રોતાઓ વચ્ચેનો અંતર દૂર થઈને એક સામૂહિક આધ્યાત્મિક જોડાણ સર્જાયું. અર્પણા’સ એલિવેટ દ્વારા આ પહેલ ભારતીય પરંપરાને નવી પેઢી સુધી પહોંચાડવાના મિશનમાં એક મહત્વપૂર્ણ પગલું સાબિત થઈ છે.
