અમદાવાદ: ગ્લોબલ ઇન્ડિયન ઇન્ટરનેશનલ સ્કૂલ (GIIS), અમદાવાદના ધોરણ 10ના વિદ્યાર્થીઓએ CBSE 2026 બોર્ડ પરીક્ષામાં ઉત્કૃષ્ટ પરિણામ નોંધાવ્યું છે. કુલ વિદ્યાર્થીઓમાંથી 89.80% વિદ્યાર્થીઓએ પ્રથમ વર્ગ પ્રાપ્ત કર્યો છે, જ્યારે 9.20% વિદ્યાર્થીઓએ 90%થી વધુ ગુણ મેળવી શાળાની શૈક્ષણિક પ્રતિષ્ઠાને વધુ મજબૂત બનાવી છે. આ પરીક્ષામાં અયાન ચેટ્ટિયારે 99.60% સાથે બેચમાં પ્રથમ સ્થાન મેળવી GSG ઇન્ડિયા સ્કૂલ્સમાં ટોપર તરીકે સ્થાન મેળવ્યું છે. અભિલાષા પાંડે 96% સાથે બીજા ક્રમે અને અવધૂત ડોંગરે 95.60% સાથે ત્રીજા ક્રમે રહ્યા છે.
શાળાના પ્રિન્સિપલ શ્રી સીઝર ડી’સિલ્વાએ જણાવ્યું કે, આ વર્ષે 206 વિદ્યાર્થીઓએ ધોરણ 10ની પરીક્ષા આપી હતી અને શાળાનો મુખ્ય ફોકસ માત્ર શૈક્ષણિક ઉત્તમતા નહીં પરંતુ વિદ્યાર્થીઓના સર્વાંગી વિકાસ પર પણ છે. તેમણે શિક્ષકોની ભૂમિકા અને માતા-પિતાના વિશ્વાસને આ સફળતાનો આધાર ગણાવ્યો. તેમણે ઉમેર્યું કે અયાન ચેટ્ટિયારે 498/500 ગુણ મેળવી 99.6% સાથે ઉત્તમ સિદ્ધિ હાંસલ કરી છે. અયાન રાષ્ટ્રીય સ્તરે ચેસ ટુર્નામેન્ટ્સમાં ભાગ લેનાર પ્રતિભાશાળી ચેસ ખેલાડી પણ છે.
