રાજકોટ શહેરના કેસરધાની રિસોર્ટ ખાતે 14 માર્ચે સાંજે 7 વાગ્યે ગ્રોથ એવોર્ડ્સના 10મા એડિશનનું ભવ્ય આયોજન કરવામાં આવ્યું હતું. કાર્યક્રમમાં વિવિધ ક્ષેત્રોમાં ઉત્કૃષ્ટ કામગીરી કરનાર ઉદ્યોગ સાહસિકો અને કંપનીઓને સન્માનિત કરવામાં આવ્યા હતા.
આ એવોર્ડ સમારોહમાં 30થી વધુ કંપનીઓએ પોતાના નામાંકન નોંધાવ્યા હતા. કાર્યક્રમમાં બોલિવૂડના જાણીતા અભિનેતા રાકેશ બેદી મુખ્ય અતિથિ તરીકે ઉપસ્થિત રહ્યા હતા. તેમના સાથે દર્શના બારોટ, મયુર ચૌહાણ, સંદીપ સોની અને દર્પણ કેવડિયા સહિતના વિશેષ અતિથિઓ પણ હાજર રહ્યા હતા.
કાર્યક્રમમાં મીડિયા પાર્ટનર તરીકે ગુજરાત બેલી ન્યૂઝના માલિક અને તંત્રી મયુરભાઈ ઠક્કર પણ હાજર રહ્યા હતા. આ પ્રસંગે મયુરભાઈ ઠક્કરે જણાવ્યું હતું કે ગ્રોથ એવોર્ડ્સનો મુખ્ય હેતુ એવા ઉદ્યોગ સાહસિકોને પ્રોત્સાહન અને સન્માન આપવાનો છે, જેમણે પોતાના વ્યવસાય ક્ષેત્રમાં નોંધપાત્ર અને ઉત્કૃષ્ટ કામગીરી કરી છે.
રાજકોટના કેસરધાની રિસોર્ટ ખાતે યોજાયેલા આ એવોર્ડ શોના મુખ્ય સ્પોન્સર તરીકે વન સ્ટોપ ઈમિગ્રેશન સોલ્યુશન રહ્યા હતા. જ્યારે ઓનલાઈન ગોલ્ડ જ્વેલરી સ્પોન્સર તરીકે સર્વમ્ ગોલ્ડ બાઈટ્સ પ્રાઈવેટ લિમિટેડ અને હોસ્પિટાલિટી પાર્ટનર તરીકે કેસરધની જોડાયા હતા.
આ એવોર્ડ સમારોહમાં 120થી વધુ આમંત્રિત મહેમાનો ઉપસ્થિત રહ્યા હતા, જે ગ્રોથ એવોર્ડ્સના 10મા એડિશનની સફળતાનું પ્રતિબિંબ માનવામાં આવે છે.
