અમદાવાદ: સામાન્ય રીતે ઘણાં લોકોની ફરિયાદ હોય છે કે કબૂતર ઘરની બાલકની આવીને બેસે છે એટલું જ નહીં, પરંતુ ગંદકી પણ ખૂબ ફેલાવે છે. કબૂતર બાલકની તેમજ બારીમાં મૂકેલાં કૂંડા તેમજ ફૂલોમાં પણ ગંદકી કરતા હોય છે. કબૂતરનું ચરક બીજી અનેક રીતે ગંદકી ફેલાવે છે. તે સ્વાસ્થ્યને પણ નુકસાન કરી શકે છે. કબૂતરની આ ગંદકી લોકોને સાફ કરવી પણ ગમતી હોતી નથી. આમ, તમે આ સમસ્યાથી કંટાળી ગયા છો તો આ દેશી જુગાડ તમને કામમાં આવી શકે છે.
જો કે જાણીને તમને નવાઈ લાગશે પરંતુ તમને કામમાં આવી શકે છે. બાલકનીમાં આવતા કબૂતરોથી તમે કંટાળી ગયા છો તો એવી વસ્તુ લગાવો જે ચમકતી વધારે હોય. બાલકનીમાં તમે જૂની સીડી, ડીવીડી, એલ્યુમિનિયમ ફોઇલની પટ્ટી તેમજ નાના અરીસાનો ટુકડો તમે હવામાં દોરી બાંધીને લગાવો. આ સૂરજનાં પ્રકાશને પરાવર્તિત કરે છે જેનાં કારણે કબૂતર ભાગી જશે.
શિકારી પક્ષીઓથી પણ કબૂતરને ડર લાગે છે. આ માટે તમે ઘુવડ, બાજ કે કાગડા જેવા શિકારી પક્ષીઓનાં નકલી મોડલ (પ્લાસ્ટિકના) બાલકનીમાં લગાવી શકો છો. આટલું જ નહીં સમય સમય જગ્યા બદલતા રહો, નહીં તો કબૂતરને પણ આની આદત પડી જશે.
તેજ ગંધ વાળી વસ્તુઓથી પણ કબૂતર દૂર ભાગે છે. આ માટે તમે બાલકનીમાં કપૂરની ગોળી મૂકી શકો છો. આ સિવાય તમે પાણીમાં થોડું મરચું નાખીને સામાન્ય પ્રેસ કરો. આ પ્રોસેસ ત્યાં કરવાની છે જ્યાં કબૂતર વધારે આવે છે. આમ કરવાથી કબૂતર ભાગી જશે.
