સ્ટારભારત ઉપર નવો શરૂ થયેલો શો ચંદ્રશેખર પોતાની દિલચસ્પ સ્ટોરીલાઇન દ્વારા દર્શકોના હદયમાં જલ્દી જ સ્થાન બનાવી લેશે. શોમાં ચંદ્રશેખરનું પાત્ર ભજવનાર 8 વર્ષના અયાન ઝુબેર દર્શકોનું ધ્યાન પોતાની તરફ ખેંચવામાં સફળ થયો છે. નાની ઉંમરમાં જ એક્ટિંગમાં પોતાની કરિયર શરૂ કરનાર અયાન પાસે પોતાના ભવિષ્ય માટે ઘણી યોજના છે.
એક ઇન્ટરવ્યૂ દરમિયાન કહ્યુ હતુ કે તે ટાઇગર શ્રોફની જેમ સ્ટન્ટમેન બનવા માંગે છે અને અક્ષય કુમારની જેમ ફિટ રહેવા માંગે છે અને અયાને નાનપણથી જ પોતાના લક્ષ્ય નક્કી કરી રાખ્યા છે. અયાન ચંદ્રશેખરનું પાત્ર ભજવીને ખૂબ ખુશ છે કારણકે આ પાત્ર ભજવવા માટે સ્ટેમિના અને બહાદુરીની જરૂર પડે છે. આ પાત્રથી અયાનને ફિટ રહેવામાં મદદ થઇ જશે. અયાનને એવુ લાગે છે કે આવી ભૂમિકા ભજવવાથી તેને તેના લક્ષ્ય નજીક પહોંચવા માટે મદદ મળશે.
અયાન કહે છે કે અક્ષયની જેમ એક્ટિંગ અને ટાઇગરની જેમ તાકાતવર બનવા માંગે છે. અક્ષય અને ટાઇગરની જ ફિલ્મો જોવે છે. બંને સુપર એનર્જેટિક છે, અને બંને જણા અયાનને એમના જેવા બનવા પ્રેરે છે. ચંદ્રશેખરનું પાત્ર અયાનના દિલથી ખૂબ કરીબ છે, કારણકે એ અયાનને મજબૂત અને વધારે સારુ પ્રદશન કરવા પ્રેરે છે.
