અમદાવાદ: વર્લ્ડ સ્માઇલ ડે નિમિતે, હિમાલયા વેલનેસ કંપની વિશ્વની સૌથી મોટી ક્લેફ્ટ-કેન્દ્રિત એનજીઓ – સ્માઇલ ટ્રેનના સહયોગથી અમદાવાદમાં તેની પહેલ મુસ્કાન લઇને આવે છે. આ પહેલનો ઉદ્દેશ્ય ક્લેફ્ટની સ્થિતિ વિશે જાગૃતિ ફેલાવવાનો તથા ક્લેફ્ટની સારવારમાં બાળકોને મફત સર્જરી અને ફોલો-અપ સપોર્ટ સહિતની સમયસર તથા વ્યાપક રીતે મદદ કરવાનો છે. આ પહેલ દ્વારા, હિમાલયાનો ઉદ્દેશ્ય ગુજરાતના વધુને વધુ બાળકો અને પરિવારો સુધી યોગ્ય માહિતી અને સંભાળ પહોંચાડવાનો છે, જેના દ્વારા તેમને વધુ સારું સ્વાસ્થ્ય અને આત્મવિશ્વાસ આપી શકાય.
અમદાવાદના પતંગ માટેના પ્રેમથી પ્રેરિત, મુસ્કાન તેના 12માં વર્ષને પતંગ થીમ તરીકે ઉજવે છે. તે ‘એક નયી મુસ્કાન’ના વિચારથી તેને જીવંત કરી રહી છે. જે યોગ્ય ટેકા સાથે પતંગને ઉંચે લઇ જવાની આશાનું પ્રતિબિંબ છે. આ પહેલનો હેતુ, સમયસર ક્લેફ્ટની સારવાર દ્વારા બાળકોને પડકારોનો સામનો કેવી રીતે કરવો, તેમનો આત્મવિશ્વાસ પાછો મેળવવામાં તથા નવી શક્યતાઓ તરફ આગળ વધવામાં પણ મદદ કરે છે, સાથોસાથ ક્લેફ્ટ વિશે વધુ જાગૃતિ લાવવામાં પણ મદદરૂપ થાય છે.
આ કેમ્પેઇન એ ક્લેફ્ટ કેર અંગેની ચર્ચાને વધુ સરળ બનાવવાનો પ્રયાસ છે, તેની સાથોસાથ એ બાબતને પણ હાઈલાઈટ કરે છે કે, એક સ્મિત એ ખુશીની ક્ષણો કરતા પણ બીજું ઘણું બધું રજૂ કરે છે, તે સ્વસ્થ્ય જીવન તરફનું એક મહત્વપૂર્ણ પગલું પણ હોઈ શકે છે. સ્માઈલ ટ્રેન ઇન્ડિયા સાથેની આ પહેલ શસ્ત્રક્રિયાથી આગળ વધીને ક્લેફ્ટની સ્થિતિ સાથે જન્મેલા બાળકની જરૂરિયાતને ટેકો આપે છે, જેમાં ખોરાક, પોષણ, અવાજ તથા એકંદર વિકાસનો પણ સમાવેશ થાય છે.
આ પહેલ અંગે, અભિનેત્રી મંદિરા બેદીએ કહે છે કે, “હું હંમેશા એવું માનું છું કે, આપણી જાતને જોવાની જે રીત છે તે છે, આત્મવિશ્વાસ અને પોતાની જાત પરનો ભરોસો અને જે માનીએ તેને શક્ય પણ બનાવી શકાય. તો આવા ફાટેલા હોઠ સાથે જન્મેલા બાળકો યોગ્ય સંભાળ અને સહાયતા જો મળી રહે તો, તે તેમનો આત્મવિશ્વાસ વધારવામાં મહત્વની ભૂમિકા ભજવે છે. કેમકે તેના દ્વારા બાળક ફરીથી શાળાએ જઈ શકે છે, બોલે છે, મિત્રો બનાવે છે, ફોટોગ્રાફ માટે હસે પણ છે અને લાગણીઓને પણ અનુભવે છે. આના લીધે જ મારા માટે મુસ્કાન અર્થપૂર્ણ છે; તે બાળકોને એ જોવામાં મદદ કરે છે કે, તેમની સ્થિતિ એવી નથી કે, તેમના દ્વારા તેમની એક અલગ ઓળખ ઉભી થાય કે પછી તેમના સપનાઓને મર્યાદા પણ નથી નડતી.”
હિમાલયા વેલનેસ કંપનીના કન્ઝ્યુમર પ્રોડક્ટ્સ ડિવિઝનના બિઝનેસ ડિરેક્ટર રાજેશ કૃષ્ણમૂર્તિ કહે છે કે, “મુસ્કાન એ 2015થી હિમાલયા વેલનેસની સામાજિક પહેલનો એક મહત્વપૂર્ણ હિસ્સો બની રહ્યું છે. સ્માઇલ ટ્રેન ઇન્ડિયા સાથેના અમારા 12 વર્ષમાં મુસ્કાનને અમદાવાદ લાવવાથી અમને વધુ બાળકો અને પરિવારો સુધી પહોંચવાની સાથોસાથ ક્લેફ્ટ કેર માટે વધુ જાગૃતિ લાવવામાં મદદ મળી છે. ‘એક નયી મુસ્કાન’ એ અમારા વિશ્વાસને પ્રતિબિંબિત કરે છે કે, સમયસર સારવાર અને યોગ્ય સહાય સાથે, દરેક બાળક સર્જરીની મદદથી આગળ વધી શકે છે એટલું જ નહીં, પણ પરિવારો પણ તેમની જરૂરિયાતને સમજીને મદદ ક્યાંથી લેવી તે જાણી શકે છે. મુસ્કાન દ્વારા, અમે પરિવારો સુધી પહોંચવાનું ચાલુ રાખીને આશા રાખીએ છીએ કે, વધુ બાળકોને યોગ્ય સમયે જરૂરી સંભાળ મળી રહેશે.”
હિમાલયા વેલનેસના બ્યુટી એન્ડ પર્સનલ કેરના માર્કેટિંગ ડિરેક્ટર રાગિની હરિહરન કહે છે કે, “અમદાવાદના પતંગો સાથેના ઊંડા જોડાણે અમને આ વર્ષે એક સુંદર વિચાર આપ્યો: ઉડાન ભરવી અને નવી ઊંચાઈઓ પ્રાપ્ત કરવી. પતંગને ઉડવા માટે યોગ્ય ટેકાની જરૂર હોય છે, અને બાળકોમાં પણ એવું જ છે. ‘એક નયી મુસ્કાન’ આ ભાવનાને પ્રતિબિંબિત કરે છે, જ્યાં એક નવું સ્મિત વધુ આત્મવિશ્વાસ, સહયોગ અને આશાની શરૂઆત કરી શકે છે. મુસ્કાન દ્વારા, અમે “ક્લેફ્ટ કેર” સંબંધિત ચર્ચાને સરળ બનાવી અને વધુને વધુ પરિવારોને સમયસર સહાય મેળવવા માટે પ્રોત્સાહિત કરવા માંગીએ છીએ.”
આ પહેલ દ્વારા ક્લેફ્ટ કેરને છેવાડાના વિસ્તારો સુધી પહોંચાડવાના પ્રયાસ તરીકે, એક મોબાઇલ વાન ગુજરાતના 22 જિલ્લાઓના ગ્રામીણ અને વંચિત સમુદાયોમાં ગામડે-ગામડે ફરશે, ક્લેફ્ટની સ્થિતિ વિશે જાગૃતિ લાવશે અને જરૂરિયાતમંદ બાળકોને મફતમાં ક્લેફ્ટ સર્જરી અને યોગ્ય સંભાળ સાથે જોડશે. સર્જિકલ પ્રક્રિયામાં ફક્ત 45 મિનિટનો સમય લાગે છે, જેનાથી જરૂરિયાતમંદ બાળકોને સમયસર સારવાર મળી શકે છે અને તેઓ સ્વસ્થ, વધુ આત્મવિશ્વાસપૂર્ણ ભવિષ્ય તરફ એક મહત્વપૂર્ણ પગલું ભરી શકે છે.
સમયસર અને વ્યાપક ક્લેફ્ટ સંભાળના મહત્વ પર ભાર મૂકતા, સ્માઇલ ટ્રેનના એશિયાના સિનિયર વાઇસ પ્રેસિડેન્ટ અને રિજનલ ડિરેક્ટર મમતા કેરોલે ઉમેર્યું, “ક્લેફ્ટ સાથે જન્મેલા દરેક બાળકને સમયસર, યોગ્ય સંભાળ અને વિકાસની તક મળવી જોઈએ. સર્જરી સારવારનો એક મહત્વપૂર્ણ ભાગ છે, તે બાળકના વિકાસનો એક ભાગ છે. ખોરાક, પોષણ, વાણી અને એકંદર વિકાસ જેવી અન્ય સહાય પણ એટલી જ મહત્વની છે. મુસ્કાન જેવી પહેલ દ્વારા, અમે પરિવારોમાં વધુ જાગૃતિ લાવવા માંગીએ છીએ અને તેમને યોગ્ય સમયે, યોગ્ય સંભાળ મેળવવા માટે સશક્ત બનાવવા માંગીએ છીએ, જે સ્માઇલ ટ્રેન ટ્રીટમેન્ટ પાર્ટનર્સ દ્વારા મફતમાં ઉપલબ્ધ છે, જેથી દરેક બાળક આત્મવિશ્વાસ સાથે વિકાસ કરી શકે અને તેમની સંપૂર્ણ ક્ષમતા સુધી પહોંચી શકે.”
મુસ્કાન દ્વારા, હિમાલયા વેલનેસ અને સ્માઇલ ટ્રેન ઇન્ડિયા એ આ પહેલથી જાગૃતિ લાવી અને ક્લેફ્ટ કેર સુધી પહોંચવામાં મદદરૂપ થવાનું ચાલુ રાખે છે. જેથી વધુને વધુ બાળકો અને પરિવારોને તેને સમજીને સમયસર સારવાર મેળવવા તરફ પ્રથમ પગલું ભરવામાં મદદ કરે છે. વધુ માહિતી અથવા સહાય મેળવવા માંગતા પરિવારો 1800 103 8301 પર ટોલ-ફ્રી હેલ્પલાઇન પર કૉલ કરી શકે છે. આ કાર્ય ત્યારે વધુ આગળ વધશે, જ્યારે દરેક બાળકને સંભાળ, સહાય અને આત્મવિશ્વાસ સાથે આગળ વધવાની તક મળશે અને તેઓ આવનારી તકોની ઉજવણી કરી શકશે.
