નવી દિલ્હી : દેશભરમાં દિવાળી પર્વની પરંપરાગતરીતે ભવ્ય ઉજવણી કરવામાં આવી રહી છે. આજે દિવાળીના પર્વની સવારે શરૂઆત થતાની સાથે જ મોટી સંખ્યામાં લોકો ઉત્સાહિત દેખાયા હતા. મંદિરોમાં ખાસ પુજા કરવામાં આવી હતી. બીજી બાજુ બાળકો સવાર પડતાની સાથે જ ફટાકડા ફોટીને ઉજવણી કરવામાં વ્યસ્ત બની ગયા હતા. રાષ્ટ્રપતિ રામનાથ કોવિન્દ અને વડાપ્રધાન નરેન્દ્ર મોદીએ દેશવાસીઓને દિવાળી-૨૦૧૮ પર્વ પર શુભેચ્છા અને શુભકામના પાઠવી છે.રાષ્ટ્રપતિએ ટ્વીટર મારફતે શુભકામના આપી છે. અન્યો પ્રત્યે સવેદનશીલ બનવા પણ લોકોને અપીલ કરી છે. પર્યાવરણ પ્રત્યે સંવેદનશીલ બનવા માટે પણ કહેવામાં આવ્યુ છે.
સોશિયલ મિડિયા પર સૌથી વધારે સક્રિય રહેલા વડાપ્રધાન નરેન્દ્ર મોદીએ પણ તમામ દેશવાસીઓને શુભકામના આપી છે. મેસેજ રિડિગ સાથે એક ફોટો પણ મોદીએ મુક્યો છે. દિવાળી પર્વની ભારતની સાથે સાથે મલેશિયા, મોરિશિયસ અને પાકિસ્તાનમા પણ ઉજવણી કરવામાં આવી રહી છે. દિવાળી પર્વની ઉજવણી ફટાકડાઓ ફોડી, મિઠાઈઓ વહેંચી અને રંગબેરંગી લાઇટિંગ સાથે કરવામાં આવી રહી છે. ઉજાસના પર્વ તરીકે આને ગણવામાં આવતા આ પર્વને લઇને લોકો અને ખાસ કરીને બાળકો વધારે ઉત્સાહિત દેખાઇ રહ્યા છે.
દિવાળી પર્વની ઉજવણી પાછળ પ્રચીન ઇતિહાસ પણ જાડાયેલો છે. દિવાળી પર્વને લઇને દેશભરના લોકો પહેલાથી જ ઉત્સાહિત રહે છે. દિવાળી પર્વની શરૂઆત ધનતેરસના દિવસથી થયા બાદ લાભ પાંચમ સુધી કરવામાં આવે છે. મોટાભાગના વિભાગોમાં આ ગાળા દરમિયાન રજા પણ જાહેર કરી દેવામાં આવે છે જેથી પરિવાર સાથે આ પર્વની ઉજવણી કરવાની પરંપરા રહી છે. ગયા વર્ષની સરખામણીમાં આ વર્ષે સ્થિતિ ખુબ જ સુધરી છે. લોકોની ખરીદી શÂક્ત વધી છે. આર્થિક સ્થિતિ દેશની સારી બની છે જેના પરિણામ સ્વરુપે તીવ્ર મોંઘવારી છતાં ફટાકડાઓ, મિઠાઇઓ અને અન્ય ચીજવસ્તુઓની ખરીદીમાં ઉલ્લેખનીય વધારો થયો છે. દિવાળી પર્વ મુખ્યરીતે બાળકો અને યુવા પેઢી વધુ શાનદારરીતે ઉજવે છે. કોર્પોરેટ જગતમાં દિવાળી પર્વ પ્રસંગે એક બીજાને મિઠાઇઓ આપવા અને ગ્રિટિંગ્સ કાર્ડ અને શુભેચ્છા સંદેશાઓ મોકલવાની પરંપરા અકબંધ રહી છે. યુવા પેઢી કિંમતી ભેટ સોગાદો આપીને પણ આ તહેવારની ઉજવણી કરી રહ્યા છે. દિવાળી ઉપર ફટાકડાઓનો વિશેષ ક્રેઝ રહે છે. મોટાપાયે ફટાકડાઓની ખરીદી બાળકો અને મોટી વયના લોકો દ્વારા કરવામાં આવી ચુકી છે. આ વર્ષે ફટાકડા માટેની માંગમાં ઉલ્લેખનીય રીતે ઘટાડો થઈ ચુક્યો છે.
આ દિવાળી ઉપર ફાયર ક્રેકર્સ અથવા તો ફટાકડાનું વેચાણ ઓછું થઈ રહ્યું છે. દિલ્હી અને એનસીઆરમાં ફટાકડાને લઇને સુપ્રીમ કોર્ટ તરફથી લાલ આંખ કરવામાં આવ્યા બાદ આની ચર્ચા દેશમાં રહી છે. સુપ્રીમના નિર્ણયને લઇને કારોબારીઓએ વાંધો પણ ઉઠાવ્યો છે. કારણ કે તેમના કારોબારને ભારે નુકસાન થઇ રહ્યુ છે. જા કે કેટલાકે આને આવકાર આપ્યો છે. . દિલ્હી, અમદાવાદ, જયપુર, લખનઉ, મુંબઈ જેવા મોટા શહેરોમાં ગેરકાયદે ફટાકડા વેચનારા ઉપર દરોડા પાડવામાં આવી રહ્યા છે.
