આજે જયપુરમાં પ્રધાનમંત્રી નરેન્દ્ર મોદીની રેલી પહેલા એક મોટી ઘટના ઘટી છે. મોદીજી જ્યારે આજે કેન્દ્ર સરકારના લાભ આપવા માટે લોકોને મળી રહ્યાં છે ત્યારે જોધપૂરથી લાભાર્થીઓને લઇને જયપૂર આવી રહેલી એક બસ ફાયરિંગની ઝપેટમાં આવી ગઇ છે. ગેંગવોરનો શિકાર બનેલી આ બસમાંથી 3 લોકો ઘાયલ થયા છે.
રિપોર્ટ્સ મુજબ ગઇકાલે રાત્રે આ બસને જોધપૂરથી જયપૂર લાવવામાં આવી રહી હતી. ત્યારે બદમાશો વચ્ચેના ઝઘડામાં ગોળીબાર થયો અને બસમાં રહેલા વ્યક્તિઓમાંથી 3 વ્યક્તિ ઘાયલ થયા છે. ઘટના બાદ ઘાયલ થયેલા ત્રણેય લોકોને હોસ્પિટલમાં દાખલ કરી દેવામાં આવ્યા છે.
તમને જણાવી દઇએ કે રાજસ્થાનના મુખ્યમંત્રી વસુંધરા રાજેએ 33 જિલ્લાઓમાંથી લાભાર્થીઓને લાવવા માટે 5579 બસની વ્યવસ્થા કરી છે. તેમના માટે ધર્મશાળાઓમાં રહેવાની વ્યવસ્થા પણ કરવામાં આવી છે. એક અંદાજ પ્રમાણે પ્રધાનમંત્રી નરેન્દ્ર મોદીના આ કાર્યક્રમમાં 2.5 લાખ જેટલા લાભાર્થીઓ આવશે તેવુ કહેવાઇ રહ્યુ છે.
