અમદાવાદ : શ્રેષ્ઠ પ્રતિભા અને શાનદાર એકેડેમિક પ્રદર્શનની ઉજવણી કરીને ગ્લોબલ સ્કૂલ્સ ગ્રૂપ (GSG)એ નવી દિલ્હીના એરોસિટીમાં આયોજિત શાનદાર સમારંભમાં પોતાની પ્રતિષ્ઠિત ગ્લોબલ સિટિઝન સ્કૉલરશિપ (GCS) મેળવનાર નવા વિદ્યાર્થીઓનું સન્માન કર્યું હતું. આ ફ્લેગશિપ સ્કૉલરશિપ પ્રોગ્રામની 19મી એડિશન અંતર્ગત સિંગાપોરમાં પોતાનું સીનિયર સેકેન્ડરી એજ્યુકેશન પૂર્ણ કરવા સંપૂર્ણપણે ફંડેડ સ્કૉલરશિપ મેળવનાર 12 વિદ્યાર્થીઓનું સન્માન કર્યું હતું.
2026નું આ ગ્રૂપ ભારતનાં વિવિધ રાજ્યોમાંથી આવેલી શ્રેષ્ઠ પ્રતિભાઓને દર્શાવે છે. આઠ સ્કૉલર પોતાનું શિક્ષણ GIIS સ્માર્ટ કેમ્પસ, સિંગાપોરમાં ચાલુ રાખશે, તો ચારની પસંદગી OWIS ડિજિટલ કેમ્પસ, સિંગાપોર માટે થઈ છે. પસંદગીની કડક પ્રક્રિયા મારફતે પસંદ થયેલા આ વિદ્યાર્થીઓ શિક્ષણમાં શ્રેષ્ઠ પ્રદર્શન, લીડરશિપની ક્ષમતા અને સર્વાંગી વિકાસ પ્રત્યે પોતાની લગનને કારણે સૌથી અલગ રહ્યાં છે. સ્કૉલરશિપ સન્માન સમારંભમાં CBSEના સ્કિલ એજ્યુકેશન એન્ડ ટ્રેનિંગના પ્રોફેસર અને ડિરેક્ટર ડૉ. બિશ્વજીત સાહા મુખ્ય અતિથિ તરીકે શામેલ થયા હતા તથા તેમની સાથે ગ્લોબલ સ્કૂલ્સ ગ્રૂપના સીનિયર લીડર પણ ઉપસ્થિત હતા.’
