અમદાવાદમાં 20થી 23 નવેમ્બર દરમિયાન યોજાશે ‘Engitech Expo 2026’, ઔદ્યોગિક ટેક્નોલોજીનું ભવ્ય પ્રદર્શન

Kamlesh
1 Min Read

Ahmedabad : ગુજરાતના ઔદ્યોગિક વિકાસને વેગ આપવા અને આધુનિક ટેક્નોલોજીના આદાન-પ્રદાનને પ્રોત્સાહન આપવા અમદાવાદમાં ‘Engitech Expo 2026’નું આયોજન કરવામાં આવ્યું છે. આગામી 20થી 23 નવેમ્બર, 2026 દરમિયાન વસ્ત્રાપુર સ્થિત જી.એમ.ડી.સી. ગ્રાઉન્ડ (હેલ્મેટ સર્કલ પાસે) ખાતે આ ચાર દિવસીય ઔદ્યોગિક પ્રદર્શન યોજાશે.

મલ્ટી-કેટેગરી ઇન્ડસ્ટ્રિયલ એક્ઝિબિશન તરીકે યોજાનારા આ એક્સ્પોમાં દેશ-વિદેશના ઉદ્યોગસાહસિકો, વેપારીઓ અને ટેક્નોલોજી ક્ષેત્ર સાથે જોડાયેલા લોકો ભાગ લેશે. આ પ્રદર્શન આધુનિક ઔદ્યોગિક ટેક્નોલોજી, નવીનતા અને વેપારી તકોના આદાન-પ્રદાન માટે મહત્વપૂર્ણ પ્લેટફોર્મ પૂરું પાડશે.

આ એક્સ્પો અંગેની વિસ્તૃત માહિતી અને આયોજનની વિગતો આપવા માટે 20 નવેમ્બર, શુક્રવારે સવારે 11 વાગ્યે જી.એમ.ડી.સી. ગ્રાઉન્ડ ખાતે ખાસ પ્રેસ કોન્ફરન્સનું આયોજન કરવામાં આવ્યું છે. જેમાં પત્રકારોને ઉપસ્થિત રહેવા આમંત્રણ પાઠવવામાં આવ્યું છે.

Share This Article