12 જેટલા એક્ઝિબિટર્સ સાથે ફેશન, જ્વેલરી, ગિફ્ટિંગ અને લાઇફસ્ટાઇલનું અનોખું ફેસ્ટિવ શોકેસ; લકી ડ્રો અને આકર્ષક ભેટો બન્યા ખાસ આકર્ષણ
અમદાવાદ: નવરાત્રીના રંગો અને દિવાળીની રોશની વચ્ચે અમદાવાદમાં તહેવારોની ખરીદીનો માહોલ વધુ રંગીન બન્યો છે. અર્પણાઝ એલિવેટ, કોલોનેડ-2 ,સિંધુ ભવન રોડ નજીક, એસજી હાઇવે ખાતે આજે ‘નવરાત્રી અને દિવાળી ધમાકા’ નામની 2 દિવસીય ફેસ્ટિવ એક્ઝિબિશનનું ભવ્ય ઉદ્ઘાટન કરવામાં આવ્યું.
આ એક્ઝિબિશનનું ઉદ્ઘાટન રશ્મિ જ્વેલર્સનાં શ્રીમતી રશ્મિ અગ્રવાલ દ્વારા કરવામાં આવ્યું હતું. આ તેમનું બીજું એક્ઝિબિશન પહેલ છે, જેમાં તહેવારોની ખરીદી માટે વિવિધ કેટેગરીના ઉત્પાદનો અને સર્જનાત્મક બ્રાન્ડ્સને એક જ છત નીચે લાવવાનો પ્રયાસ કરવામાં આવ્યો છે. ‘નવરાત્રી અને દિવાળી ધમાકા’માં આશરે 12 એક્ઝિબિટર્સ ભાગ લઈ રહ્યા છે. એક્ઝિબિશનમાં ચણિયા-ચોળી, જ્વેલરી, સાડીઓ, આર્ટિફેક્ટ્સ, દિવાળી ગિફ્ટિંગ આઇટમ્સ અને ટૅરોટ રીડિંગ સહિતની વિવિધ રેન્જ રજૂ કરવામાં આવી છે.
ફેશન અને લાઇફસ્ટાઇલથી લઈને પરંપરાગત કારીગરી અને ફેસ્ટિવ ગિફ્ટિંગ સુધીની વિવિધ પસંદગીઓને એક જ સ્થળે ઉપલબ્ધ કરાવતું આ એક્ઝિબિશન તહેવારોની ખરીદી માટે ખાસ આકર્ષણ બની રહ્યું છે. ઉદ્ઘાટન પ્રસંગે શહેરના મહેમાનો, શોપિંગ લવર્સ અને મીડિયા પ્રતિનિધિઓ ઉપસ્થિત રહ્યા હતા અને સમગ્ર સ્થળે તહેવારી માહોલ જોવા મળ્યો હતો.
આ પ્રસંગે શ્રીમતી રશ્મિ અગ્રવાલે જણાવ્યું હતું કે, “નવરાત્રી અને દિવાળીના તહેવારોને ધ્યાનમાં રાખીને ગ્રાહકોને એક જ સ્થળે વિવિધ પ્રકારની પસંદગીઓ મળી રહે તે હેતુથી આ એક્ઝિબિશનનું આયોજન કરવામાં આવ્યું છે. સાથે જ, ભાગ લેનારા એક્ઝિબિટર્સને સીધા ગ્રાહકો સાથે જોડાવાની અને તેમના ઉત્પાદનો રજૂ કરવાની તક મળે તેવો પણ પ્રયાસ છે.”
તેમણે વધુમાં જણાવ્યું હતું કે એક્ઝિબિશનમાં ખરીદી કરનારા ગ્રાહકો માટે લકી ડ્રો અને વિવિધ આકર્ષક ગિફ્ટિંગ નું પણ આયોજન કરવામાં આવ્યું છે, જે ફેસ્ટિવ શોપિંગ અનુભવમાં વધુ ઉત્સાહ ઉમેરશે. ‘નવરાત્રી અને દિવાળી ધમાકા’ એક્ઝિબિશન 3 અને 4 ઓક્ટોબર, 2026 દરમિયાન સવારે 11:00 વાગ્યાથી રાત્રે 8:00 વાગ્યા સુધી ખુલ્લું રહેશે. તહેવારોની ખરીદી માટે વિવિધ પસંદગીઓ, રંગબેરંગી કલેક્શન અને ખાસ ગિફ્ટિંગ વિકલ્પો સાથે આ એક્ઝિબિશન અમદાવાદના શોપિંગ લવર્સ માટે નવરાત્રીથી દિવાળી સુધીની ફેસ્ટિવ શોપિંગ સીઝનની રંગીન શરૂઆત બની રહ્યું છે.
