અમદાવાદ: ભારતની અગ્રણીપર્સોનલ પ્રોટેક્ટિવ ઇક્વીપમેન્ટ (PPE) બ્રાન્ડ મોલકોમ ઇન્ડિયા લિમીટેડએ ગુજરાતમાં સાણંદ ખાતેની સવલતને શરૂ કરવા સહિતની પોતાની વૃદ્ધિ યાત્રા અંગે મહત્ત્વની પ્રગતિ શેર કરી છે.
કંપનીએ આ પ્લાન્ટમાં રૂ. 100 કરોડથી વધુના રોકાણની ઘોષણા કરી હતી, જે તેનું 17મું ઉત્પાદન એકમ બન્યુ છે અને હાલમાં 200થી વધુ શ્રમ દળ (આશરે 50 પ્રત્યક્ષ અને 160થી વધુ પરોક્ષ)ને રોજગારી આપે છે, જે આ સંખ્યાને આગામી વર્ષ સુધીમાં 300 જોબ સુધી લઇ જવાનું વિચારી રહી છે. આ સવલતમાં વિવિધ રેન્જની ઉત્પાદન શ્રેણીઓ ધરાવે છે જેમાં NBR અને PU ગ્લોવ્ઝ ડીપીંગ લાઇન્સ ઇન્જેક્શન મોલ્ડીંગ મશિન્સ, ગ્લોવ્સ પ્રિન્ટીંગ લાઇન્સ, સેફ્ટી હેલ્મેટ્સ અને બંપ કેપ્સનો સમાવેશ થાય છે. વધુમાં મોલકોમએ ઓનલાઇન પ્રિન્ટીંગ અને સ્ટ્રીપ્પીંગ સાથે નવી NBR ડીપીંગ લાઇનનો તાજેતરમાં વધારો કર્યો હોવા પર અને જેની અગાઉ આયાત કરવામાં આવતી હતી તેવી પ્રોટેક PU ગ્લોવ્સ જેવા પ્રોડક્ટસનું સ્થાનિકીકરણ કરવાના તેના પ્રયત્ન પર પણ ભાર મુક્યો છે. કંપનીએ ચીન, ઇટાલી, શ્રીલંકા, બ્રાઝિલ અને નેધરલેન્ડ્ઝ જેવા દેશોમાંથી કાચા માલની આયાત પરની પસંદગીયુક્ત નિર્ભરતાની નોંધ લીધી છે તેની સાથે ઘરેલુ ઉત્પાદન ક્ષમતાઓને વધુ મજબૂત બનાવવાના હાલમાં આગળ ધપી રહેલા પ્રયત્નો પર પણ ભાર મુક્યો છે.
સાણંદનું એકમ મોલકોમના પ્રોડક્ટ શોધ, ગુણવત્તા ખાતરી, ટકાઉતા આધારિત ઓપરેશન્સ પરના મજબૂત ધ્યાનને પ્રતિબિંબીત કરે છે. આ સવલત પર્યાવરણની દ્રષ્ટિએ જવાબદાર આચરણો જેમ કે વધુ ચોખ્ખી ઉર્જા ઉત્પાદન મટે બાયોમાસ પેલેટ્સનો ઉપયોગ, જળ સંચય માટે ઝીરો લિક્વીડ ડીસ્ચાર્જ સિસ્ટમ અને નૈતિક ઉત્પાદનના SEDEXના સુધારેલા ધોરણોને વળગી રહેવાનો સમાવેશ કરે છે. વર્ટીકલી ઇન્ટીગ્રેટેડ ઓપરેશન્સ સાથે કંપની તમામ પ્રક્રિયાઓમાં કડક ગુણવત્તા નિયંત્રણ જાળવી રાખે છે જેથી EN, ANSI, અને IS ધોરણો સહિતના વૈશ્વિક સુરક્ષા પ્રમાણપત્રો સાથે અનુપાલન સુનિશ્ચિત કરી શકાય. આ સાથે ઉર્જા કાર્યક્ષમ મશિનરી, વેસ્ટ મેનેજમેન્ટ સિસ્ટમ્સ અને સુરક્ષિત કામકાજની સ્થિતિમાં કરવામાં આવેલું રોકાણ મોલકોમના PPE પોર્ટોફોલિયોને એક વિશ્વસનીય, ઓછા ખર્ચવાળી આયાતી પ્રોડક્ટ્સની સામેના ઊંચી કામગીરી ધરાવતા વિકલ્પ તરીકે પ્રસ્થાપિત કરે છે.
મોલકોમ ઇન્ડિયા લિમીટેડના એક્ઝિક્યટીવ ડિરેક્ટર શ્રી ગિરીરાજ મોલએ,જણાવ્યું હતું કે, “ગુજરાત સરકાર સાથે અમારા એમઓયુને પરિણામે સાણંદની સવલત અમારી વિસ્તરણ યાત્રામાં નોંધપાત્ર સીમાચિન્હ રજૂ કરે છે અને ભારતમાં વૈશ્વિક સ્પર્ધાત્મક ઉત્પાદન ક્ષમતાઓનું નિર્માણ કરવાની અમારી પ્રતિબદ્ધતાને વધુ મજબૂત બનાવે છે. અમારું સતત રોકાણ નવીનતા, ટકાઉતા અને સ્થાનિક ઉત્પાદનને વધુ મજબૂત બનાવવા પરના સંતુલિત ફોકસનું પ્રતિબિંબ પાડે છે.”
મોલકોમ ઇન્ડિયા લિમીટેડના શ્રી રોહિત મોલએ ઉમેર્યું હતું કે, “એડવાન્સ્ડ ટેકનોલોજીઓ, વિસ્તૃત ઉત્પાદન ક્ષમતાઓ અને ગુણવત્તા અને અનુપાલન પરના તીવ્ર ફોકસ સાથે, અમે હિસ્સાધારકો માટે લાંબા ગાળાના મૂલ્યનું સર્જન કરતા અને અર્થપૂર્ણ રોજગારી તકો પેદા કરવાની સાથે ઉદ્યોગની વિકસતી માંગને પહોંચી વળવા માટે સુસજ્જ છીએ.”
મોલકોમએ ભારતના સૌપ્રથમ DTA (ડોમેસ્ટિક ટેરિફ એરિયા)એકમની પણ સાણંદની સવલતમાં પ્રોટેક PU ગ્લોવ્સ માટે સ્થાપના કરી છે. ભારતના ઝડપથી વિકસતા સુરક્ષા માર્કેટને સેવા પૂરી પાડવાના મજબૂત ફોકસ સાથે, આ એકમ ચીન અને અન્ય એશિયન દેશો પાસેથી કરવાં આયાત પર ભૂતકાળથી જ પ્રભુત્વ ધરાવે છે તેવી કેટેગરી આયાતી PU ગ્લોવ્સ પર નિર્ભરતા ઘટાડીને “મેક ઇન ઇન્ડિયા”ને ટેકો પૂરો પાડે છે, આ બાબત પણ મોલકોમની અગ્રણી ઘરેલુ PPE ઉત્પાદક તરીકેની સ્થિતિને વધુ મજબૂત બનાવે છે, તેની સાથે એડવાન્સ્ડ ગ્લોવ ઉત્પાદન ટેકનોલોજી મારફતે આયાત પૂરકને પણ આગળ ધપાવે છે.
મોલકોમે વધુમાં નોંધ્યું હતું કે સાણંદ સવલત તેની ઉત્પાદન યોજનામાં મુખ્ય વૃદ્ધિ ચાલક તરીકે સેવા આપશે, જે કંપનીને ક્ષમતાઓનું કદ વધારવા, સ્થાનિકીકરણને વધુ ગાઢ બનાવવા અને PPE સેગમેન્ટમાં ઉત્પાદન નવીનતાને વેગ આપવા સક્ષમ બનાવશે અને પશ્ચિમ બંગાળ અને ઉત્તરાખંડ ઉપરાંત પોતાની ઉત્પાદન હાજરીને પણ વિસ્તારશે. ટકાઉપણું, ગુણવત્તા અને નૈતિક કામગીરી પર સતત ભાર મૂકીને, કંપની રોજગાર સર્જન અને વિકસિત ઔદ્યોગિક સલામતીની દ્રષ્ટિએ અર્થપૂર્ણ યોગદાન આપીને વૈશ્વિક સ્તરે સ્પર્ધાત્મક, ભારત સ્થિત ઉત્પાદક તરીકે તેની સ્થિતિ મજબૂત કરવાનો લક્ષ્ય રાખે છે.
