વિનફાસ્ટના ભારત વિસ્તરણને સહાય કરતું પ્રથમ કો-બ્રાન્ડેડ ઇવી ચાર્જિંગ નેટવર્ક; વધારાના ૧૦૦ સ્ટેશનો આયોજિત
વડોદરા:- વિનગ્રુપ ઇકોસિસ્ટમ અંતર્ગત ઇવી ચાર્જિંગ ઈન્ફ્રાસ્ટ્રક્ચર કંપની વી-ગ્રીન એ ભારતના સૌથી મોટા ઇવી ચાર્જિંગ નેટવર્ક ચાર્જઝોન સાથે એક વ્યૂહાત્મક ભાગીદારી કરી છે. ભાગીદારી ભારતભરમાં વિનફાસ્ટના ગ્રાહકો માટે સમર્પિત ઇવી ચાર્જિંગ ઈન્ફ્રાસ્ટ્રક્ચર અને ચાર્જિંગ ઇકોસિસ્ટમ સહાયના સંયુક્ત વિકાસ માટે કરવામાં આવી છે. વી-ગ્રીન, વિનગ્રુપ ઇકોસિસ્ટમનો એક ભાગ છે, જેમાં ઇલેક્ટ્રિક વાહન ઉત્પાદક વિનફાસ્ટ અને ઇલેક્ટ્રિક મોબિલિટી પ્લેટફોર્મ જીએસએમનો પણ સમાવેશ થાય છે. આ સહયોગ ભારતમાં કોઈ ચાર્જ પોઇન્ટ ઓપરેટર (સીપીઓ) સાથે વિનફાસ્ટ ની પ્રથમ કો-બ્રાન્ડેડ ચાર્જિંગ ભાગીદારી છે, અને ઇવી ઉત્પાદકો તથા ચાર્જિંગ ઈન્ફ્રાસ્ટ્રક્ચર પ્રદાતાઓ વચ્ચે ઊંડી થઈ રહેલી એકીકૃતતાનું પ્રતિબિંબ છે.
કરાર અંતર્ગત, વી-ગ્રીન, ચાર્જઝોન સાથે સ્થળ ચિહ્નીકરણ અને જમાવટ આયોજનમાં સહ-કાર્ય કરશે. સાથે જ, ચાર્જઝોન તમામ કો-બ્રાન્ડેડ ચાર્જિંગ સ્ટેશનોની સંપૂર્ણ સંચાલન-જવાબદારી સ્વીકારશે, જેથી દેશભરમાં વિનફાસ્ટના ગ્રાહકોને એકસૂત્ર અને ઉચ્ચ-ગુણવત્તાયુક્ત ચાર્જિંગ અનુભવ સુનિશ્ચિત થઈ શકે. પ્રારંભિક ચાર્જિંગ સ્ટેશન વડોદરામાં મંગળા ટ્રેડ હબ ખાતે શરૂ કરવામાં આવ્યું છે, જે વિનફાસ્ટના ડીલરશિપની નજીક સ્થિત છે – ગ્રાહકો માટે સરળ પહોંચ સુનિશ્ચિત કરવાના ઉદ્દેશ સાથે. આ સ્ટેશનમાં ૬૦ કિલોવૉટ ડીસી ફાસ્ટ ચાર્જર સ્થાપિત છે, જે ડ્યુઅલ-ગન ક્ષમતા ધરાવે છે અને એક સાથે બે વાહનોને ચાર્જ કરવાની સગવડ આપે છે. સહયોગ હેઠળ પ્રથમ ૧૫ ચાર્જિંગ સ્ટેશનો પહેલેથી જ સ્થાપિત કરી કાર્યાન્વિત કરવામાં આવ્યા છે.
વિસ્તરણના આગામી તબક્કા અંતર્ગત, આગામી છ મહિનામાં લગભગ ૧૦૦ વધારાના કો-બ્રાન્ડેડ ચાર્જિંગ સ્ટેશનો દેશભરના મુખ્ય સ્થળોએ સ્થાપિત કરવાનું આયોજન છે, જેથી નેટવર્કની પહોંચ વ્યાપક બની શકે.
આ અંગે ચાર્જઝોનના સ્થાપક અને સીઇઓ કાર્તિકેય હરિયાણીએ જણાવ્યું: “વી-ગ્રીન સાથેની આ ભાગીદારી, ચાર્જઝોન એ નિર્મિત ઈન્ફ્રાસ્ટ્રક્ચર મૉડેલની મજબૂત સ્વીકૃતિ છે – જ્યાં ચાર્જિંગને ઇવી માલિકી અને મોબિલિટી અનુભવના અભિન્ન ભાગ તરીકે આયોજન કરવામાં આવે છે. ચાર્જઝોન એ વર્ષોની મહેનત દ્વારા ઓપરેશનલ ઊંડાણ અને ટેક્નોલૉજી બૅકબોન ઉભું કર્યું છે અને સહયોગ વિનફાસ્ટના ગ્રાહક ચાર્જિંગ નેટવર્ક દ્વારા તે ક્ષમતાને સાકાર કરે છે. આ કો-બ્રાન્ડેડ ચાર્જિંગ નેટવર્ક, આજે ઇવી અપનાવવા ઉપર સૌથી મોટી અસર કરતા પરિબળ – ખરીદી બિંદુ બહારના વિશ્વસનીય અને સુલભ ચાર્જિંગ ઈન્ફ્રાસ્ટ્રક્ચરને સંબોધવા માટે ડિઝાઇન કરવામાં આવ્યું છે. ભારતમાં ઇવી અપનાવવાની ગતિ વધી રહી છે ત્યારે, આ પ્રકારની ભાગીદારીઓ એવા ચાર્જિંગ નેટવર્ક ઉભા કરવામાં ચાવીરૂપ ભૂમિકા ભજવશે, જે વિશ્વસનીય, સુલભ અને વ્યાપક મોબિલિટી ઇકોસિસ્ટમ સાથે સંકળાયેલ હોય.“
ભાગીદારી અંગે વી-ગ્રીન ઇન્ડિયાના સીઇઓ ન્ગુયેન નામ તિએનએ જણાવ્યું: “ભારત વૈશ્વિક સ્તરે ઇવી વૃદ્ધિ માટેના સૌથી મહત્ત્વપૂર્ણ બજારોમાંનું એક છે અને મોટા પ્રમાણ પર ઇવી અપનાવવાની ગતિ ઝડપી કરવા માટે એક ભરોસાપાત્ર ચાર્જિંગ ઇકોસિસ્ટમ ઊભી કરવી અત્યંત આવશ્યક છે. ચાર્જઝોન સાથેની ભાગીદારી દ્વારા અમે ભારતમાં વિનફાસ્ટના ગ્રાહકો માટે એક સુગમ અને સુલભ ચાર્જિંગ અનુભવ સર્જવા તરફ મહત્ત્વનું પગલું ભરી રહ્યા છીએ. ચાર્જઝોનની મજબૂત ઓપરેશનલ ક્ષમતાઓ અને વિસ્તરતો નેટવર્ક ફૂટપ્રિન્ટ, ભારતીય બજારમાં વિનફાસ્ટ ની વૃદ્ધિ-યાત્રાને સહાય કરવામાં તેમને એક અમૂલ્ય ભાગીદાર બનાવે છે.“
