IPL 2026માં નિયમોને લઈને વિવાદ: એક જ ભૂલ પર અલગ નિર્ણય કેમ? શું હાર્દિક પંડ્યા પર થશે કાર્યવાહી?
ipl-2026-gloves-controversy-csk-vs-dc-stubbs-hardik-pandya-mi-vs-rcb-umpire-decision-explained
IPL 2026 દરમિયાન અમ્પાયરની નિર્ણય પ્રક્રિયા ફરી એકવાર ચર્ચામાં આવી છે. માત્ર 24 કલાકના અંતરમાં રમાયેલી બે અલગ મેચોમાં એક જ મુદ્દે જુદા જુદા નિર્ણય લેવાતા પ્રશ્નો ઊભા થયા છે. મામલો બેટ્સમેન દ્વારા ઓવરની વચ્ચે ગ્લોવ્સ બદલવાનો છે. નિયમ મુજબ, ચાલુ ઓવર દરમિયાન ગ્લોવ્સ બદલવા દેવામાં આવતા નથી, સિવાય કે તે ફાટી ગયા હોય અને ચોથા અમ્પાયરની મંજૂરી મળી હોય.
CSK vs DC મેચમાં શું થયું?
ચેન્નાઈમાં રમાયેલી ચેન્નઈ સુપર કિંગ્સ મેચ દરમિયાન દિલ્હીના બેટ્સમેન સ્ટબ્સ 19મી ઓવર દરમિયાન પરસેવાને કારણે ગ્લવ્સ બદલવા માગતા હતા. જોકે, ચોથા અમ્પાયરે તેમને આવું કરવાની મંજૂરી આપી નહોતી. આ નિર્ણય બાદ દિલ્હી ટીમના ડગઆઉટમાં બેઠેલા નિતિશ રાણા અને અમ્પાયર વચ્ચે ઉગ્ર ચર્ચા પણ થઈ હતી.
MI vs RCB મેચમાં અલગ દૃશ્ય
તેના વિપરીત, મુંબઈમાં રમાયેલી મુંબઈ અને બેંગલુરુના મેચ દરમિયાન મુંબઈ ઇન્ડિયન્સના કેપ્ટન હાર્દિક પંડ્યા ઓવરની વચ્ચે ગ્લવ્સ બદલતા જોવા મળ્યા હતા. આશ્ચર્યજનક રીતે, આ વખતે ચોથા અમ્પાયરે કોઈ પણ પ્રકારની અટકાયત અથવા ચેતવણી આપી નહોતી.
ઊભા થતા પ્રશ્નો
આ બંને ઘટનાઓ બાદ મોટા પ્રશ્નો ઊભા થયા છે:
* એક જ નિયમ માટે અલગ અલગ નિર્ણય કેમ લેવાયા?
* શું બંને મેચમાં ચોથા અમ્પાયર હાજર નહોતો અથવા તેમની વ્યાખ્યા અલગ હતી?
* શું IPLમાં નિયમોનું અમલીકરણ સતત અને સમાન રીતે થઈ રહ્યું છે?
નિયમ શું કહે છે?
ક્રિકેટના નિયમો મુજબ, બેટ્સમેન ઓવરની વચ્ચે ગ્લોવ્સ બદલી શકતા નથી. માત્ર ગ્લોવ્સ ફાટી ગયા હોય અને ચોથા અમ્પાયર જરૂરી માને ત્યારે જ આ મંજૂરી આપવામાં આવે છે. સામાન્ય રીતે ગ્લોવ્સનો બદલાવ ઓવર પૂર્ણ થયા પછી જ થાય છે.