Plastic Stool Hole Reason: આપણા ઘરોમાં એવી ઘણી વસ્તુઓ હોય છે જેને આપણે રોજ જોઈએ છીએ, પરંતુ તેની પાછળ છુપાયેલા કારણો વિશે વિચારતા નથી. આપણે ઘણીવાર તેને માત્ર ડિઝાઇન માનીને અવગણીએ છીએ. ખરેખર આ બધી વસ્તુઓ પાછળ કોઈને કોઈ ખાસ કારણ હોય છે, અને તેમાંથી એક છે પ્લાસ્ટિકનું સ્ટૂલ. આપણા દરેકના ઘરમાં પ્લાસ્ટિકના સ્ટૂલનો ઉપયોગ થતો જ હોય છે. તમે પણ ક્યારેક ને ક્યારેક આ સ્ટૂલ પર બેઠા હશો અને તેનો ઉપયોગ કર્યો હશે. જો તમે ધ્યાનથી જોયું હોય તો, પ્લાસ્ટિકના દરેક સ્ટૂલની બરાબર વચ્ચે એક ગોળ કાણું હોય છે.
ઘણા લોકો એવું વિચારે છે કે, આ કાણું સ્ટૂલને આંગળીથી પકડીને ઊંચકવા માટે બનાવવામાં આવે છે. જોકે, આ વાત સંપૂર્ણ સત્ય નથી. તેની પાછળ વિજ્ઞાનનું એક ખૂબ જ મહત્વનું કારણ છુપાયેલું છે, જે સ્ટૂલની મજબૂતી અને તમારી સુરક્ષા સાથે જોડાયેલું છે. પ્લાસ્ટિકના સ્ટૂલને ફેક્ટરીમાં બનાવતી વખતે તેને એવી રીતે ડિઝાઇન કરવામાં આવે છે કે, તે એકબીજાની ઉપર સરળતાથી ગોઠવી શકાય. જ્યારે એક સ્ટૂલની ઉપર બીજું સ્ટૂલ મૂકવામાં આવે છે, ત્યારે જો તેમાં કાણું ન હોય, તો બે સ્ટૂલની વચ્ચે ‘એર પ્રેશર’ એટલે કે હવાનું દબાણ અને ‘વેક્યુમ’ સર્જાય છે.
જો સ્ટૂલ કાણા વગર એકબીજા પર રાખી દેવામાં આવે, તો તેમની વચ્ચે હવા ફસાઈ જવાથી વેક્યુમ બની શકે છે, જેના કારણે તેમને અલગ કરવા મુશ્કેલ બની જાય છે. આ જ કારણ છે કે, વચ્ચે નાનું કાણું બનાવવામાં આવે છે, જેથી હવાનું દબાણ નીકળી શકે અને સ્ટૂલ સરળતાથી અલગ થઈ જાય. જોકે આ કાણું સ્ટૂલ ઉઠાવવામાં પણ મદદ કરે છે, પરંતુ તેનો મુખ્ય ઉદ્દેશ્ય માત્ર આ જ હોતો નથી. ઘણીવાર બાળકો રમત-રમતમાં સ્ટૂલ પર ઊભા રહી જતા હોય છે અથવા કૂદકા મારતા હોય છે. આવા સમયે જો સ્ટૂલની અંદર હવા ભરાઈ રહેલી હોય તો તે ફાટી શકે છે અથવા વ્યક્તિ સંતુલન ગુમાવી શકે છે. આ હોલ હવાના અવરજવર માટેનું કામ કરે છે, જે સ્ટૂલને સ્થિરતા પ્રદાન કરે છે.
બીજું મુખ્ય કારણ વિજ્ઞાન અને એન્જિનિયરિંગ સાથે જોડાયેલું છે. જ્યારે કોઈ ભારે વ્યક્તિ સ્ટૂલ પર બેસે છે, ત્યારે તે વ્યક્તિનું વજન આખા સ્ટૂલ પર સમાન રીતે વહેંચાઈ જાય છે. જો સ્ટૂલમાં કાણું ન હોય, તો દબાણને કારણે પ્લાસ્ટિક વચ્ચેથી તૂટી જવાની શક્યતા વધી જાય છે. આ નાનકડું કાણું સ્ટૂલની ફ્લેક્સિબિલિટી જાળવી રાખે છે અને અચાનક આવતા વજનને સહન કરવામાં મદદ કરે છે. તે સ્ટૂલના સ્ટ્રક્ચરને નબળું પડવા દેતું નથી.
