અમદાવાદ: હેરિટેજ સાયબરવર્લ્ડ ભારતની અગ્રણી સાયબર ડિફેન્સ અને ડિજિટલ ફોરેન્સિક ફર્મ, અને 360-ડિગ્રી સાયબર સિક્યોરિટી સર્વિસિસની અગ્રણી પ્રદાતા, DRONA એ બુધવારે ઇન્ડસ યુનિવર્સિટી, અમદાવાદ ખાતે ભારતનું પ્રથમ AI સંચાલિત ઇન્ટિગ્રેટેડ સાયબર સિક્યુરિટી કમાન્ડ એન્ડ કંટ્રોલ સેન્ટર (ICSCCC) લોન્ચ કર્યું. જે ભારતના ડિજિટલ સંરક્ષણના ભાવિને આકાર આપવાની દિશામાં એક મહત્વપૂર્ણ પગલું છે.
ઉદઘાટન સમારોહમાં ગૃહ રાજ્ય મંત્રી હર્ષ સંઘવી ચીફ ગેસ્ટ તરીકે ઉપસ્થિત રહ્યાં હતા અને ગુજરાત ભાજપના મહામંત્રી (સંગઠન) રત્નાકરજી ગેસ્ટ ઓફ ઓનર રહ્યાં હતા.
અત્યાધુનિક ઈન્ટીગ્રેટેડ સાયબર સિક્યુરિટી કમાન્ડ એન્ડ કંટ્રોલ સેન્ટર અદ્યતન સાયબર સિક્યુરિટી અને ડિજિટલ ફોરેન્સિક ટૂલ્સથી સજ્જ છે જે ઇનોવેશન, શિક્ષણ અને હેન્ડ-ઓન ટ્રેનિંગ માટે હબ તરીકે સેવા આપશે અને મજબૂત સાયબર સિક્યોરિટી સંસ્કૃતિ વિકસાવવામાં યોગદાન આપશે.
હેરિટેજ સાયબરવર્લ્ડના ફાઉન્ડર અને સીઈઓ અને ભારતના સૌથી યુવા સાયબર સિક્યોરિટી ઉદ્યોગસાહસિક ડૉ. ધ્રુવ પંડિતે જણાવ્યું હતું કે, “અમે ઇન્ડસ યુનિવર્સિટીમાં દેશનું પ્રથમ AI સંચાલિત સાયબર સિક્યોરિટી કમાન્ડ એન્ડ કંટ્રોલ સેન્ટર ખોલીને સન્માનિત અનુભવી રહ્યાં છીએ. જેમ જેમ સાયબર બનાવો વધુને વધુ જટિલ બનતા જાય છે તેમ કેન્દ્રની શરૂઆત એ સક્રિય અને સંકલિત સાયબર સિક્યોરિટી ઉકેલો તરફ એક મોટું પગલું છે. AI દ્વારા સંચાલિત આ કેન્દ્ર રીઅલ-ટાઇમમાં બનાવોને શોધવા, ઘટાડવા અને તેનો જવાબ આપવા માટે ડિઝાઇન કરવામાં આવ્યા છે.
ICSCCC, દેશમાં આ પ્રકારની પ્રથમ પહેલ છે, જે વાસ્તવિક સમયની ખતરાની ગુપ્ત માહિતી, ઝડપી ઘટના પ્રતિભાવ અને વ્યાપક સાયબર સિક્યોરિટી વ્યવસ્થાપન પ્રદાન કરવા માટે અદ્યતન AI ટેક્નોલોજીનો લાભ લે છે. આ સુવિધા હેરિટેજ સાયબરવર્લ્ડ અને DRONA વચ્ચે ટેકનોલોજી અને જ્ઞાનની ભાગીદારીનું પ્રતિનિધિત્વ કરે છે, જેમાં સાયબર સિક્યોરિટીમાં વ્યાપક નિપુણતા સાથે અદ્યતન ટેકનોલોજીનું સંયોજન છે.
ગૃહ રાજ્ય મંત્રી હર્ષ સંઘવીએ તેમના સંબોધનમાં આ પહેલની પ્રશંસા કરી હતી અને કહ્યું હતું કે આજના ડિજિટલ વિશ્વમાં સાયબર સિક્યોરિટીનું ખૂબ મહત્વ છે અને કમાન્ડ એન્ડ કંટ્રોલ સેન્ટરએ સાયબર જોખમો સામે દેશની સુરક્ષાને મજબૂત કરવા માટે એક મહત્વપૂર્ણ પગલું છે.
ICSCCC નું ઉદ્ઘાટન સાયબર સિક્યોરિટી વર્કશોપ અને સેમિનાર દ્વારા ચિહ્નિત કરવામાં આવ્યું હતું જેમાં ઉદ્યોગના અગ્રણીઓ અને નિષ્ણાતોએ હાજરી આપી હતી જેમણે ઉભરતા સાયબર સિક્યોરિટી ટ્રેન્ડ, પડકારો અને ડિજિટલ સિક્યોરિટીના ભાવિને આકાર આપવામાં AI ની ભૂમિકા વિશે આંતરદૃષ્ટિ શેર કરી હતી.
