ભારતની સૌથી વધુ ઝડપથી વૃદ્ધિ કરતી ઇલેક્ટ્રિક વાહન ઉત્પાદક ઓડિસી ઇલેક્ટ્રિક વ્હિકલ્સે રૂ. 99,999ની કિંમત પર B2B ઇલેક્ટ્રિક ટૂ-વ્હીલર ઓડિસી ટ્રોટ પ્રસ્તુત કરવાની જાહેરાત કરી હતી. આ સૌથી વધુ ટકાઉ હેવી-ડ્યુટી બાઇક 250 કિલોગ્રામ સુધી લોડિંગ ક્ષમતા સાથે લાસ્ટ-માઇલ લોજિસ્ટિક્સ માટે ખાસ ડિઝાઇન કરવામાં આવ્યું છે. વાહનની સરેરાશ માઇલેજ 75 કિલોમીટર છે અને IOT કનેક્ટેડ છે, જે ટ્રેકિંગ, ઇમ્મોબિલાઇઝેશન, જિયો-ફેન્સિંગની સાથે અન્ય લેટેસ્ટ ખાસિયતો ધરાવે છે.
ટ્રોટ 250 વોટ ઇલેક્ટ્રિક મોટર દ્વારા સંચાલિત છે, જે 25 કિલોમીટર પ્રતિ કલાકની સૌથી વધુ સ્પીડ ધરાવે છે. ઇલેક્ટ્રિક સ્કૂટર આગળ ડ્રમ બ્રેક અને પાછળ ડિસ્ક-બ્રેક ધરાવે છે. ચાર્જિંગની સરળતા માટે કંપનીએ 60V 32Ah વોટરપ્રૂફ ડિટેચેબલ બેટરી ધરાવે છે, જે 2 કલાકમાં 60 ટકા ચાર્જિંગ કરી શકે છે અને 4 કલાકમાં સંપૂર્ણ બેટરીને ચાર્જ કરી શકે છે, સિંગલ ચાર્જમાં 75 કિલોમીટરની રેન્જ આપે છે. 60V32AH IP67 બેટરી વિશિષ્ટ લાંબી ટકાઉક્ષમતા સુનિશ્ચિત કરે છે અને એને B2B વપરાશ માટે અતિ વિશ્વસનિય બનાવે છે.
ટ્રોટ અદ્યતન ટેકનોલોજી અને ખાસિયતો ધરાવે છે, જેને ડિલિવરી સ્કૂટરની વિવિધ જરૂરિયાતો પૂર્ણ કરવા વધારે કસ્ટમાઇઝ કરી શકાશે. ટ્રોટ ડિલિવરીની વિશેષ જરૂરિયાતો પૂર્ણ કરવા ડિઝાઇન કરેલું વાહન છે. ગેસ સીલિન્ડર, ભારે હાર્ડવેર ઉપકરણ, પાણીના કેન વગેરે જેવી ભારે ચીજવસ્તુઓથી લઈને કરિયાણું, દવાઓ વગેરે જેવી રોજિંદા વપરાશની ચીજવસ્તુઓ સુધી ઓડિસી વધારાની કસ્ટમાઇઝ એક્સેસરીઝ ઓફર કરે છે, જે આ ઉત્પાદનોનું વહન સરળતાપૂર્વક અને સલામત રીતે કરી શકે છે.
ઇલેક્ટ્રિક સ્કૂટર ચાર કલર – યેલ્લો, બ્લેક, રેડ અને મરુનમાં ઉપલબ્ધ છે. ઇલેક્ટ્રિક ટૂ-વ્હીલર ટ્રેન્ડી લૂક્સ અને મજબૂત બોડીનો આદર્શ સમન્વય ધરાવે છે. રાઇડર માટે મહત્તમ સુવિધા સુનિશ્ચિત કરવા ટ્રોટ સ્માર્ટ BMS, IoT ટ્રેકિંગ ડિવાઇઝ, LED ઓડોમીટર વગેરે જેવી ખાસિયતો ધરાવે છે.
આ પ્રસંગે ઓડિસી ઇલેક્ટ્રિક વ્હિકલ્સ પ્રાઇવેટ લિમિટેડના સીઈઓ નેમિન વોરાએ કહ્યું હતું કે, “કોવિડ-19 મહામારીએ ઇ-કોમર્સ અને લાસ્ટ-માઇલ ડિલિવરીઓની વૃદ્ધિને વેગ આપ્યો છે, જે સાતત્યપૂર્ણ ઇનોવેશન, કાર્યકારી ખર્ચ ઘટાડવા અને અસરકારકતા વધારવા ડિલિવરી સેગમેન્ટમાં વ્યવસાયો માટે પ્રાથમિકતા બની ગઈ છે. ઉપરાંત ઇલેક્ટ્રિક વાહનો તરફ પરિવર્તન પર્યાવરણને અનુકૂળ છે, જેના પ્રત્યે લોકો અને કંપનીઓ કટિબદ્ધ છે. અમારા નવા ઇલેટ્રિક ટૂ-વ્હીલર – ઓડિસી ટ્રોટ સાથે અમારો ઉદ્દેશ ભારતમાં વ્યવસાયો માટે લાસ્ટ માઇલ ડિલિવરીનું ઇલેક્ટ્રિફિકેશન કરવાનો છે. B2B ઇવી સેગમેન્ટમાં અમારા પ્રવેશ તરીકે આ પ્રથમ પ્રકારનું સ્કૂટર છે, જે બજારમાં પરિવર્તન લાવવા સજ્જ છે. અમે ટ્રોટ જેવા પરિવર્તનકારક ઉત્પાદનો પ્રસ્તુત કરીને આ વૃદ્ધિનો સૌથી વધુ લાભ લેવા અને સેગમેન્ટમાં નવા માપદંડો સ્થાપિત કરવા સજ્જ છીએ.”
ઇલેક્ટ્રિક સ્કૂટર બેટરી પર 3 વર્ષની વોરન્ટી અને પાવરટ્રેન પર 1 વર્ષની વોરન્ટી ઓફર કરે છે. ટ્રોટની ખરીદી સમગ્ર ભારતમાં ઓડિસીના ડિલર્સ અને સ્ટોર્સમાંથી થઈ શકશે.
