અધિકમાસ એટલે દાન ધર્મ અને સારા કાર્ય કરવાનો સમય. દરેક વ્યક્તિ પોતાની યથા શક્તિ પ્રમાણે અલગ અલગ રીતે સારા કાર્યો કરતા હોય છે. દરેક દાનમાં શ્રેષ્ઠ દાન છે વિદ્યાદાન. આ પંક્તિને સાકાર કરી છે ગાંધીનર બ્રહ્મ સમાજની મહિલાઓએ.
ગાંધીનગર બ્રહ્મસમાજ મહિલા વિંગ દ્વારા તાજેતરમાં જ એક કાર્યક્રમ યોજાઈ ગયો. જેમાં જરૂરિયાતમંદ બાળકોને રાહત દરે ચોપડા વિતરણ કરવામાં આવ્યું. આ વિશે વધુ માહિતી જણાવતા બીનાબહેન જોશીએ કહ્યું કે બ્રહ્મસમાજની મહિલાઓ દ્વારા સમયાંતરે સમાજ ઉપયોગી પ્રવૃત્તિ કરવામાં આવતી હોય છે. તેમાં આ વખતે વિદ્યાવાંછુક બાળકોને રાહતદરે ચોપડાનું વિતરણ કરવામાં આવ્યું છે. આગળ પણ આ રીતની પ્રવૃત્તિઓ કરતા રહીશું.
