નવરંગ ઇંગ્લિશ મીડિયમ સ્કૂલ ખાતે સ્વતંત્રતા દિવસની ઉત્સાહભેર ઉજવણી કરવામાં આવી હતી. આ પ્રસંગે વિદ્યાર્થીઓએ તિરંગાના રંગોને પ્રતિબિંબિત કરતી સુંદર વેશભૂષા ધારણ કરીને દેશભક્તિની ભાવના વ્યક્ત કરી હતી. સમગ્ર કાર્યક્રમ દરમિયાન શાળામાં દેશપ્રેમ અને ઉત્સાહનો માહોલ જોવા મળ્યો હતો.
આઝાદી પર્વની ઉજવણીના ભાગરૂપે વિદ્યાર્થીઓમાં દેશભક્તિની ભાવના કેળવાય તેમજ તેમની સર્જનાત્મકતાને પ્રોત્સાહન મળે તે હેતુથી વિવિધ સ્પર્ધાઓનું આયોજન કરવામાં આવ્યું છે. જેમાં નિબંધ સ્પર્ધા, ચિત્ર સ્પર્ધા, રંગોળી સ્પર્ધા, વકૃત્વ સ્પર્ધા, ક્વિઝ કોમ્પિટિશન, રમતગમત સ્પર્ધા, મહેંદી સ્પર્ધા તેમજ દેશભક્તિ ગીત સ્પર્ધાનો સમાવેશ થાય છે.
આ ઉપરાંત, વિદ્યાર્થીઓ અને લોકોમાં સિંગલ યુઝ પ્લાસ્ટિકના ઉપયોગ અંગે જાગૃતિ ફેલાવવા માટે જનજાગૃતિ અભિયાન તથા રેલીનું પણ આયોજન કરવામાં આવ્યું છે. આ પ્રવૃત્તિઓ દ્વારા વિદ્યાર્થીઓમાં પર્યાવરણ પ્રત્યેની જવાબદારી અને સામાજિક જાગૃતિ કેળવવાનો પ્રયાસ કરવામાં આવી રહ્યો છે.
આગામી દિવસોમાં પણ વિવિધ સ્પર્ધાઓ અને પ્રવૃત્તિઓનું આયોજન કરવામાં આવશે. જેના માધ્યમથી વિદ્યાર્થીઓમાં રાષ્ટ્રપ્રેમ, સર્જનાત્મકતા, રમતગમતની ભાવના તેમજ સામાજિક જવાબદારીનો વિકાસ થાય તે માટે શાળા દ્વારા સતત પ્રયાસ કરવામાં આવી રહ્યો છે.
સ્વતંત્રતા દિવસની ઉજવણી અંતર્ગત યોજાઈ રહેલી વિવિધ પ્રવૃત્તિઓ વિદ્યાર્થીઓ માટે શૈક્ષણિક જ્ઞાનની સાથે દેશપ્રેમ અને સામાજિક મૂલ્યોને સમજવાની એક મહત્વપૂર્ણ તક બની રહી છે.
