કોલેસ્ટ્રોલ સાઇલેન્ટ કીલર તરીકે છે. વારંવાર આને લઈને ફાયદા અને નુકસાનના સંબંધમાં અભ્યાસો થતા રહ્યા છે. ડાયાબીટીસ અને હાઈપર ટેન્શનની જેમ જ કોલેસ્ટ્રોલ અસમતુલાના કોઈપણ દેખાતા લક્ષણો નથી. કોલેસ્ટ્રોલના કારણે વિશ્વભરમાં લાખો લોકોના મોત થાય છે. જ્યારે લોકોને બ્લડ ટેસ્ટ કરાવવાની સલાહ આપવામાં આવે છે ત્યારે જ કોલેસ્ટ્રોલ અંગે માહિતી મળી શકે છે. તબીબોનું કહેવું છે કે જો બ્લડમાં ૨૦૦ એમજી/ડીએલ કરતા વધુ પ્રમાણ કોલેસ્ટ્રોલ થઇ જાય તો ચિંતાની બાબત થઈ જાય છે. નિષ્ણાંત તબીબોનું કહેવું છે કે જો આવા ટેસ્ટના પરિણામ મળે તો તરત જ સારવારની જરૂર પડે છે.
લાંબા સમય સુધી હાઈકોલેસ્ટ્રોલની અવગણના કરવાથી ખતરનાક પરિણામ મળી શકે છે. હાઈકોલેસ્ટ્રોલ લાઇફના ઘણા વર્ષો ઝડપથી ખાઈ જાય છે. નિષ્ણાંત તબીબો અને સંશોધકો કોલેસ્ટ્રોલ કીલર તરીકે પણ ગણે છે. કોલેસ્ટ્રોલ મૂળભૂત રીત એક ફેટ છે જે શરીરમાં દરેક સેલમાં બહારની સપાટી ઉપર અસ્તિત્વ ધરાવે છે.
તેના વગર દરેક વ્યક્તિની લાઇફ શક્ય નથી.કોલેસ્ટ્રોલ ઘણા મહત્વપૂર્ણ કામો પણ કરે છે. કોલેસ્ટ્રોલને ખરાબ નામ મળ્યું છે પરંતુ સાથે સાથે તે કેટલાક મહત્વપૂર્ણ કામ કરે છે જેમાં સેલ મેમબ્રામની બહારની સપાટીને બનાવવામાં અને જાળવી રાખવામાં ચાવીરૂપ ભૂમિકા ભજવે છે. કોલેસ્ટ્રોલ સેક્સ હારમોનના ઉત્પાદનમાં પણ મહત્વપૂર્ણ ભૂમિકા ભજવે છે જેમાં એન્ડ્રોજન અને એસ્ટ્રોજનનો સમાવેશ થાય છે. આ ઉપરાંત અન્ય હારમોનના ઉત્પાદનમાં પણ તેની ભૂમિકા છે. પરંતુ તેના નુકસાન પણ છે. જાહેર આરોગ્ય નિષ્ણાંતનું કહેવું છે કે દરરોજ લિવર ૧૦૦૦ મિલીગ્રામ કોલેસ્ટ્રોલ બનાવે છે અને અમે ભોજન મારફતે ૧૫૦થી ૨૦૦ મિલીગ્રામ કોલેસ્ટ્રોલ લઈએ છીએ. બ્લડમાં તેનું પ્રમાણ વધવા લાગે ત્યારે સમસ્યાની શરૂઆત થઈ જાય છે.
