Rinku Singh 4 Sixes in Last Over: રિંકુ સિંહે આઈપીએલમાં ફરી એકવાર એવું કામ કરી બતાવ્યું છે કે, તે રાતો રાત સ્ટાર બની ગયો છે. રવિવારે લખનઉના ઇકાના સ્ટેડિયમમાં રિંકુએ છેલ્લી ઓવરમાં બેટથી હાહાકાર મચાવી દીધો હતો. તેની શાનદાર બેટિંગના કારણે કંટાળાજનક મેચમાં અચાનક રોમાંચ આવી ગયો. લખનઉના સ્પિનર દિગ્વેશ રાઠીની બોલિંગને વેરવિખેર કરતા રિંકુ સિંહે પોતાની ઇનિંગ દરમિયાન છેલ્લી ઓવરમાં ચાર છગ્ગા ફટકારી સ્ટેડિયમનો માહોલ ફેરવી નાખ્યો હતો.
જ્યારે રિંકુ સિંહ બેટિંગ કરવા મેદાનમાં આવ્યો ત્યારે કેકેઆરની સ્થિતિ ખૂબ જ નાજુક હતી. લખનઉના ફાસ્ટ બોલર મોહસિન ખાન ઘાતક બોલિંગ કરી રહ્યો હતો. તેણે પોતાની 4 ઓવરમાં 5 વિકેટ લઈને કોલકાતા નાઈટ રાઈડર્સની કમર તોડી નાખી. રિંકૂની આંખો સામે વિકેટો પડી રહી હતી. માત્ર 76 રનમાં કેકેઆરે 6 વિકેટ ગુમાવી દીધી. ડાબોડી બેટ્સમેને ટીમને બચાવવાની જવાબદારી પોતાના ખભા પર લીધી અને છેલ્લી ઓવરમાં દિગ્વેશ રાઠી પર તૂટી પડ્યો.
6⃣, 6⃣, 6⃣, 6⃣ 🤯
🎥 Enjoy Rinku Singh’s sizzling ball-striking in the last over 🔥
Scorecard ▶️ https://t.co/elFxwvCeWO#TATAIPL | #KhelBindaas | #LSGvKKR | @KKRiders pic.twitter.com/98wGgWK14c
— IndianPremierLeague (@IPL) April 26, 2026
કેકેઆરની ખરાબ બેટિંગને કારણે 19મી ઓવર સુધી મેચ બોરિંગ લાગી રહી હતી. પરંતુ જેમ ફેન્સ કહે છે— “રિંકૂ છે તો શક્ય છે”… આજે પણ એ જ દૃશ્ય જોવા મળ્યું. 19 ઓવરમાં કેકેઆરનો સ્કોર 129/6 હતો. લખનઉના કેટપ્ટને મોટો દાવ રમ્યો અને છેલ્લી ઓવર ફેંકવાની જવાબદારી સ્પિનર દિગ્વેશ રાઠીને આપી. ગઈ સીઝનમાં દિગ્વેશે વિકેટ લીધા પછી ઉજવણીમાં બેટ્સમેનનું “ચાલાન” કાપ્યું હતું, પરંતુ આજે રિંકૂએ તેમનું જ ચાલાન કાપી નાખ્યું. તેમણે આ ઓવરમાં સતત 4 છગ્ગા ફટકાર્યા. રિંકૂની તોફાની પારીના કારણે આ ઓવરમાં 26 રન બન્યા અને કેકેઆર 155 રન સુધી પહોંચી ગઈ.
છેલ્લી ઓવરમાં છગ્ગાની વરસાદ સાથે રિંકૂ સિંહે પોતાની IPL કારકિર્દીની શ્રેષ્ઠ પારી રમી. તેણે 7 ચોગ્ગા અને 5 છગ્ગાની મદદથી 51 બોલમાં 83 રનની અણનમ ઇનિંગ રમી. IPLમાં આ તેનો સર્વશ્રેષ્ઠ સ્કોર છે. સાથે જ, પ્રથમ ઇનિંગમાં બેટિંગ કરતા તેણે આ મેગા ઇવેન્ટમાં પ્રથમ વખત અડધી સદી પણ નોંધાવી
કેકેઆરને સન્માનજનક સ્કોર સુધી પહોંચાડવામાં રિંકૂ સિંહનો મોટો ફાળો રહ્યો, પરંતુ ટીમને મુશ્કેલીમાં મૂકવામાં લખનઉના બોલર મોહસિન ખાને કોઈ કસર રાખી નહોતી. ડાબોડી ઝડપી બોલરે 4 ઓવરમાં 23 રન આપી 5 વિકેટ ઝડપી. IPL 2026માં ‘પંજો’ (5 વિકેટ) ખોલનાર તે પ્રથમ બોલર બન્યો છે.
