અમદાવાદ : દર વર્ષની જેમ આ વર્ષે પણ અષાઢીબીજના દિવસે અમદાવાદમાં ઐતિહાસિક જગન્નાથ રથયાત્રાનું આયોજન કરવામાં આવ્યું. આ વર્ષે યાત્રાને – ઝીરો વેસ્ટ રથયાત્રા બનાવવા, અમદાવાદ મ્યુનિસિપલ કોર્પોરેશન (AMC), કોલગેટ પામોલિવ અને નેપ્રાના સહયોગથી, કચરાના વ્યવસ્થાપનનું સફળતાપૂર્વક આયોજન કરવામાં આવ્યું. 147મી રથયાત્રા, એક મહત્વપૂર્ણ ધાર્મિક પ્રસંગ અને જગન્નાથ પુરી પછી દેશની બીજી સૌથી મોટી રથયાત્રા, કાર્યક્ષમ અને પર્યાવરણ-મિત્ર કચરા વ્યવસ્થાપન માટે શહેરની પ્રતિબદ્ધતાનું ઉદાહરણ આપે છે.
AMC શહેરમાં કચરાના વ્યવસ્થાપનમાં હંમેશા આગળ રહે છે, તેના હેઠળ અનેક પહેલો કરવામાં આવી છે, જેમાં “મારું શહેર મારું ગૌરવ” પ્રોગ્રામ હેઠળ RRR અને ડોર-ટુ-ડોર વેસ્ટ કલેક્શન ઝુંબેશનો સમાવેશ થાય છે. આ નવીનતમ પહેલ એ સુનિશ્ચિત કરવા માટે AMCના સમર્પણને પ્રતિબિંબિત કરે છે કે મોટા પાયે ધાર્મિક કાર્યક્રમો અને મેળાઓ પણ ઝીરો-વેસ્ટ-ટુ-લેન્ડફિલ ઇવેન્ટ્સ છે.
અમદાવાદની 147મી રથયાત્રામાં લાખો લોકોએ હાજરી આપી હતી અને માત્ર એક જ દિવસમાં 10,000 કિલોગ્રામથી વધુ કચરાનું એકત્રીકરણ કરવામાં આવ્યું હતું. એકત્ર કરાયેલા કચરામાં પ્રસાદના પડીયા, પાણીની બોટલ, મલ્ટી લેયર પેકેજીંગ વગેરે જોવા મળ્યો હતો. આ પહેલ અંતર્ગત 300 કિલોગ્રામથી વધુ કાર્બન એમીસન્સને ઘટાડવામાં મદદરૂપ થઇ હતી. આ પહેલની સફળતા મોટાભાગે કોલગેટ પામોલિવ અને નેપ્રા ફાઉન્ડેશનના 100 થી વધુ સ્વયંસેવકોના સમર્પિત પ્રયત્નોને કારણે હતી જેઓ રથયાત્રાની સાથે હતા, તેમને કચરા વ્યવસ્થાપનની જાગૃતિ કરી, સફાઈ કરી અને રસ્તાનો કચરો એકત્રીત કર્યો હતો. તેમનું કાર્ય સંગ્રહ પર અટક્યું ન હતું; કચરાને અલગ કરી અને સફળતાપૂર્વક નિકાલ માટે મોકલવામાં આવ્યો હતો. આ પહેલ નિર્મળ ગુજરાતના વ્યાપક ધ્યેયો અને સ્વચ્છ ભારતના વિઝન સાથે સંપૂર્ણ રીતે સંરેખિત છે, જે જાહેર અને ખાનગી સંસ્થાઓ, એનજીઓ અને શહેરના સમુદાય વચ્ચેના મજબૂત સહયોગને પ્રતિબિંબિત કરે છે.
AMCના નવીન અને અસરકારક કચરા વ્યવસ્થાપન પદ્ધત્તિ અમલમાં મૂકવાથી, અમદાવાદ શહેર દેશના બાકીના ભાગો માટે પર્યાવરણીય સ્થિરતા તરફ એક સીમાચિહ્નરૂપ છે.
