બોલિવૂડ કમ્પોઝર બેલડી સચીન-જિગરમાં સામેલ જિગર સરૈયા પોપ મ્યુઝિક વીડિયોમાં અન્ય કોઈ નહીં પણ જાજરમાન સંજિદા શેખ સાથે સામેલ થઈ રહ્યા છે. ‘રૂકા હૂં’ એ જિગરનું એક રોમેન્ટિંક સિંગલ હિન્દી પોપ સોલો ડેબ્યુ છે. જિગર સરૈયા અને સંજિદા શેખે તેમના નવા ગીત ‘રૂકા હૂં’ના લોન્ચ વખતે પ્રમોશન માટે અમદાવાદની મુલાકાત લીધી હતી.
વાસ્તવમાં, આવી જ અસર સંજિદાએ પણ અનુભવી છે. તેણે કહ્યું હતું, ‘જ્યારે મને વીડિયોમાં સામેલ થવા માટે સંપર્ક કરાયો ત્યારે મને ખ્યાલ હતો કે હું તેમાં સામેલ થઈશ, કેમકે આ ગીત ઘણું મનપસંદ છે. આ એવું સંગીત છે જે હું સાંભળું છું અને તેમાં ઓતપ્રોત થઉં છું. તેમાં મીઠું સંગીત છે અને ખરેખર મંત્રમુગ્ધ કરી દેનારૂં છે. મારો વિશ્વાસ કરો, રૂકા હૂં ખરેખર દરેકના ફેવરિટ્સમાં સૌથી ટોચ પર રહેશે. આ ઉપરાંત જિગર પણ સુપર ટેલેન્ટેડ છે.’
જિગરે કહ્યું હતું, ‘સંજિદા એક સ્વપ્ન સમાન દેખાય છે અને તે ખૂબ ટેલેન્ટેડ છે. આ લગભગ એવું જ છે જે મેં ધ્યાનમાં રાખીને બનાવ્યું છે.’
સિંગલ માટેનો વીડિયો ઈસ્તંબુલ, તુર્કીમાં શૂટ કરાયો છે. સચીન-જિગર દ્વારા કમ્પોઝ્ડ અને જિગર દ્વારા લિખિત અને બ્રીઝી હૂક લાઈન સાથે ગવાયેલ ‘રૂકા હૂં’ ચોક્કસપણે તમને મંત્રમુગ્ધ કરી દેવા માટે સક્ષમ છે. આ ગીતને 20 મિલિયન વ્યૂઝ અત્યારથી જ મળી ગયા છે.
વર્ષોથી સચીન ને જિગરની બેલડીએ ખૂબ ખ્યાતિ મેળવી છે. લાખો ફોલોઅર્સ (સ્પોટીફાઈ અને જિયોસાવનમાં 3.9 મિલિયન ફોલોઅર્સ) તેઓ ધરાવે છે અને તેમના છેલ્લા બોલિવૂડ આલ્બમ સ્ત્રી માટે 126 મિલિયન પ્લે થયા છે. જેની દરેકને ઈચ્છા હોય છે કે તેમના પ્રશંસકોની સંખ્યા વધે. તેમનું ગુજરાતી નોન-ફિલ્મ સિંગલ રાધાને શ્યામ મળી જશેના પણ જિયોસાવનમાં 2.5 મિલિયન પ્લે થયા છે.
