વસુધા અને દેવાંશના લગ્નજીવનમાં આવશે નવો વળાંક, ખાસ મહેમાનોની એન્ટ્રીથી વધશે મનોરંજન

Kamlesh
1 Min Read

Zee TVના લોકપ્રિય શો ‘વસુધા’માં દર્શકો માટે એક ખાસ સરપ્રાઇઝ આવવાનું છે. અભિનેતા આયુષ્માન ખુરાના અને શર્વરી વાઘ શોમાં ખાસ ભૂમિકામાં જોવા મળશે. બંનેની એન્ટ્રીથી વસુધા અને દેવાંશના જીવનમાં એક નવો અને રોમાંચક વળાંક આવવાની શક્યતા છે.

શોનું અત્યાર સુધીનું સફર લાગણીઓ, સંબંધો અને અનેક અણધાર્યા વળાંકોથી ભરેલું રહ્યું છે. અનેક પડકારોનો સામનો કર્યા બાદ વસુધા અને દેવાંશે તેમના નવા જીવનની શરૂઆત કરી છે. બીજી તરફ, ચંદ્રિકાએ પણ વસુધાને પુત્રવધૂ તરીકે સ્વીકારી લીધી છે. લગ્ન બાદ હવે આ જોડી પોતાના નવા જીવનમાં આગળ વધી રહી છે.

આ દરમિયાન આયુષ્માન ખુરાના અને શર્વરી વાઘની ખાસ હાજરી વાર્તામાં નવો ઉત્સાહ અને રોમાંચ ઉમેરશે. બંને કલાકારોએ શોના સેટ પર મુખ્ય કલાકારો અને સમગ્ર ટીમ સાથે શૂટિંગ દરમિયાન સારો સમય વિતાવ્યો હતો.

આ ખાસ સિક્વન્સ અંગે વસુધાની ભૂમિકા ભજવતી પ્રિયા ઠાકુર અને દેવાંશની ભૂમિકા ભજવતા અભિષેક શર્માએ પોતાનો ઉત્સાહ વ્યક્ત કર્યો હતો. તેમણે જણાવ્યું હતું કે આયુષ્માન અને શર્વરી સાથે શૂટિંગ કરવાનો અનુભવ ખૂબ જ સારો રહ્યો છે. આ ખાસ સિક્વન્સ દર્શકો સમક્ષ રજૂ કરવા તેઓ ઉત્સુક છે.

હવે આયુષ્માન ખુરાના અને શર્વરી વાઘની આ ખાસ એન્ટ્રી વસુધા અને દેવાંશના જીવનમાં શું નવું લાવશે અને તેમની નવી સફરમાં કયો વળાંક આવશે તે જોવું રસપ્રદ રહેશે.

Share This Article