અમદાવાદ: સૈન્ય ભરતી કચેરી, અમદાવાદ દ્વારા અગ્નિવીરની વિવિધ જગ્યાઓ માટે ભરતી રેલીનું આયોજન કરવામાં આવ્યું છે. આ ભરતી રેલી 19 ફેબ્રુઆરી 2027થી 2 માર્ચ 2027 દરમિયાન શ્રી ગોવિંદ ગુરુ યુનિવર્સિટી, વિંઝોલ, ગોધરા ખાતે યોજાશે.
આ ભરતી રેલીમાં અગ્નિવીર (સામાન્ય ફરજો), અગ્નિવીર ટ્રેડ્સમેન (10મું પાસ), અગ્નિવીર ટ્રેડ્સમેન (8મું પાસ) અને અગ્નિવીર ટેકનિકલ હોદ્દાઓ માટે ઉમેદવારોની ભરતી કરવામાં આવશે.
ભરતી રેલીમાં ગુજરાતના કુલ 21 જિલ્લા તથા 2 કેન્દ્રશાસિત પ્રદેશોના ઉમેદવારો ભાગ લઈ શકશે. તેમાં અમદાવાદ, અરવલ્લી, આણંદ, બનાસકાંઠા, ભરૂચ, છોટાઉદેપુર, દાહોદ, ગાંધીનગર, ખેડા, મહિસાગર, મહેસાણા, નવસારી, નર્મદા, પંચમહાલ, સાબરકાંઠા, સુરત, ડાંગ, તાપી, વડોદરા, વલસાડ અને વાવ-થરાદ જિલ્લાઓ તેમજ દમણ અને દાદરા-નગર હવેલીનો સમાવેશ થાય છે.
સૈન્ય ભરતી કચેરી દ્વારા જણાવ્યા અનુસાર, ભરતી રેલી માટે શોર્ટલિસ્ટ થયેલા તમામ ઉમેદવારોને 15 સપ્ટેમ્બર 2026ના રોજ તેમના નોંધાયેલા ઈમેલ આઈડી પર પ્રવેશપત્ર મોકલી આપવામાં આવ્યા છે.
ઉમેદવારોએ ભારતીય સૈન્યની સત્તાવાર વેબસાઇટ [www.joinindianarmy.nic.in](http://www.joinindianarmy.nic.in) પર પોતાના યુઝરનેમ અને પાસવર્ડથી લૉગિન કરીને ભરતી રેલી માટેનું પ્રવેશપત્ર ડાઉનલોડ કરવાનું રહેશે.
પૂછપરછ માટે સંપર્ક નંબર
ભરતી પ્રક્રિયા અંગે કોઈપણ પ્રકારની પૂછપરછ અથવા વધુ માહિતી માટે ઉમેદવારો સૈન્ય ભરતી કચેરી, અમદાવાદના 079-22861338 નંબર પર સંપર્ક કરી શકે છે. ઉમેદવારોએ ભરતી રેલીમાં હાજરી આપતી વખતે પ્રવેશપત્ર સહિત જરૂરી દસ્તાવેજો સાથે રાખવા અને ભારતીય સૈન્ય દ્વારા આપવામાં આવેલી સૂચનાઓનું પાલન કરવા જણાવાયું છે.
