ભારતે કરી જીવતો મગર ખભે નાખીને પોલીસ સ્ટેશને પહોંચ્યો યુવક, વાયરલ વીડિયો જોઈને ચોંકી જશો

Crocodile Viral Video: મગર દુનિયાના સૌથી ખતરનાક અને ભયજનક પ્રાણીઓમાંથી એક માનવામાં આવે છે. તેનું વિશાળ શરીર, શક્તિશાળી જડબા અને આક્રમક સ્વભાવ જોઈને મોટાભાગના લોકો ડરી જાય છે. સામાન્ય રીતે લોકો મગરથી દૂર રહેવાનું પસંદ કરે છે. પરંતુ તાજેતરમાં બિહારના સુપૌલ જિલ્લામાંથી સામે આવેલા એક વીડિયોએ સૌને આશ્ચર્યચકિત કરી દીધા છે. વીડિયોમાં એક યુવક લગભગ 5 ફૂટ લાંબા જીવતા મગરને ખભા પર ઊંચકીને સીધો પોલીસ સ્ટેશન લઈ જતો જોવા મળે છે.

વાયરલ વીડિયોમાં જોવા મળે છે કે એક યુવક પોતાના ખભા પર મગરને ઊંચકીને રસ્તા પર ચાલી રહ્યો છે. મગર કોઈને નુકસાન ન પહોંચાડે તે માટે તેનું મોઢું દોરી વડે બાંધી દેવામાં આવી હતી. વીડિયોના બીજા દૃશ્યમાં મગરને એક વાહનની છત પર મૂકવામાં આવ્યો છે, જ્યાં કેટલાક લોકો તેને પકડીને ઉભા છે.

जहां मगरमच्छ को देखकर लोग डरकर भाग जाते हैं,

वहीं बिहार के सुपौल में ग्रामीण मगरमच्छ को पकड़कर सड़क पर ले जाते नजर आए। बाद में उसे वन विभाग के हवाले कर दिया गया। pic.twitter.com/Lb3DvrQLzD

— Anjali Kumari (@AnjaliKumari009) August 1, 2026

માહિતી મુજબ, મગર જોવા મળ્યા બાદ વન વિભાગની ટીમ પહોંચવામાં વિલંબ થતાં ગામના એક યુવકે જાતે જ મગરને ખભા પર ઊંચક્યો અને અનેક કિલોમીટર દૂર આવેલા પોલીસ સ્ટેશન સુધી લઈ ગયો. આ દૃશ્ય જોઈ પોલીસકર્મીઓ પણ આશ્ચર્યમાં પડી ગયા હતા. બાદમાં વન વિભાગની ટીમે મગરને કબજામાં લઈને સુરક્ષિત રીતે કોસી નદીમાં છોડ્યો.

આ વીડિયો સોશિયલ મીડિયા પ્લેટફોર્મ X પર શેર કરવામાં આવ્યો છે. વીડિયોના કેપ્શનમાં લખવામાં આવ્યું છે કે, જ્યાં મગરને જોઈ લોકો ડરીને ભાગી જાય છે, ત્યાં બિહારના સુપૌલમાં ગ્રામજનોએ મગરને પકડીને રસ્તા પર લઈ જઈ વન વિભાગને સોંપ્યો.

યુવક દ્વારા મગરને ખભા પર લઈ જવાનું દૃશ્ય જોઈ સોશિયલ મીડિયા યુઝર્સ પણ આશ્ચર્ય વ્યક્ત કરી રહ્યા છે.એક યુઝરે લખ્યું, “બિહારીઓના કારનામા તો અલગ જ લેવલના હોય છે.” બીજા યુઝરે લખ્યું, “આ બિહાર છે, અહીં એવું બધું થાય છે જેની કોઈ કલ્પના પણ ન કરી શકે. વીડિયો મગરનો છે, પણ લાઇમલાઇટ તો બિહારીઓ જ લઈ ગયા.”