દેશના અનેક રાજ્યોમાં વધી રહેલી ગરમી અને હીટવેવ જેવી પરિસ્થિતિ વચ્ચે વીજળીની માંગ સતત વધી રહી છે. કેન્દ્ર સરકારના પાવર મંત્રાલય અનુસાર દેશમાં સતત ચોથા દિવસે પીક પાવર ડિમાન્ડે નવો રેકોર્ડ બનાવ્યો છે.
મંત્રાલયે જણાવ્યું કે દેશભરમાં વધતા તાપમાનને કારણે એર કન્ડિશનર, કુલર અને અન્ય ઇલેક્ટ્રોનિક ઉપકરણોના વધેલા ઉપયોગને કારણે વીજળીની માંગ ઐતિહાસિક સ્તરે પહોંચી છે. જોકે સરકાર દ્વારા પૂરતી વીજળી સપ્લાય જાળવવા માટે જરૂરી વ્યવસ્થાઓ કરવામાં આવી હોવાનું પણ જણાવાયું છે.
સરકારે લોકોને ખાસ કરીને બપોરે 2 થી 4 વાગ્યા દરમિયાન વીજળીનો સમજદારીપૂર્વક અને જરૂરીયાત મુજબ ઉપયોગ કરવાની અપીલ કરી છે, કારણ કે આ સમયગાળામાં પીક ડિમાન્ડ સૌથી વધુ રહેતી હોય છે.
માહિતી અનુસાર, 21 મેના રોજ દેશની પીક વીજળી માંગ 270.82 ગીગાવોટ સુધી પહોંચી હતી, જે અત્યાર સુધીના સૌથી ઊંચા આંકડાઓમાંનો એક છે. નિષ્ણાતોનું માનવું છે કે આગામી દિવસોમાં ગરમીમાં વધુ વધારો થતા વીજળીની માંગ હજુ વધી શકે છે.
