જાલોર: રાજસ્થાનના જાલોર જિલ્લામાંથી એક ચોંકાવનારી ઘટના સામે આવી છે. અહીં એક મહિલા કાર્યક્રમમાં ડાન્સ કરતી કરતી ઢળી પડી અને તેનું મોત થઈ ગયું. આ ઘટનાથી હાજર તમામ લોકો વચ્ચે ખળભળાટ મચી ગયો હતો. આ ઘટનાનો વીડિયો પણ સામે આવ્યો છે.
રાજસ્થાનના જાલોર જિલ્લાના બાગોડા ઉપખંડ વિસ્તારમાં આવેલા નવી મોરસીમ ગામમાં ચાલતા લગ્ન સમારંભ દરમિયાન અચાનક દુર્ઘટના બની અને ખુશીના માહોલમાં શોક છવાઈ ગયો. એક લગ્નિત મહિલા નૃત્ય કરતી વખતે અચાનક બેભાન થઈ પડી અને હોસ્પિટલ લઈ જતાં પહેલાં જ તેનું મૃત્યુ થયું.
માહિતી મુજબ, નવી મોરસીમ ગામના લુંબહારામ પુત્ર જવારામ પુરોહિતના પરિવારમાં લગ્નના કાર્યક્રમો ચાલી રહ્યા હતા. પરિવારમાં દીકરી મમતા નું લગ્ન મંગળવારે નક્કી હતું, જેમાં જાન ખિરોડીમાંથી આવવાની હતી. તેમજ પુત્રના લગ્ન 1 મેના રોજ યોજાવાના હતા. ઘરમાં સગા-સંબંધીઓનો જમાવડો હતો અને લગ્નની તૈયારીઓ જોરશોરથી ચાલી રહી હતી.
राजस्थान के जालोर जिले के मोरसीम गांव में शादी समारोह में डांस कर रही बिजनेसमैन की पत्नी की मौत हो गई। बताया जा रहा है कि शादी में डांस करने के दौरान महिला को चक्कर आया और फिर अस्पताल में मौत हो गई। pic.twitter.com/f0v56HIxbY
— NBT Rajasthan (@NbtRajasthan) April 28, 2026
આ કાર્યક્રમમાં ભાગ લેવા માટે વાટેરાની રહેવાસી દીપિકા પોતાના માતા-પિતા અને બહેન સાથે સોમવારે તેના મામાના ઘરે નવી મોરસીમ આવી હતી. દીપિકાના લગ્ન આશરે ચાર મહિના પહેલા તાતોડના દિલીપ કુમાર સાથે થયા હતા. લગ્ન પછી આ તેનો પહેલો મોટો પરિવારિક કાર્યક્રમ હતો.
સોમવારની રાત્રે બંધોલી કાર્યક્રમ દરમિયાન ઘરમા ગીત-સંગીત અને નૃત્યનો માહોલ હતો. મહિલાઓ અને પરિવારજનો ખુશીથી કાર્યક્રમમાં જોડાયા હતા. તે સમયે દીપિકા પણ પરિવાર સાથે ડાન્સ કરી રહી હતી. અચાનક તેને ચક્કર આવ્યા અને તે બેભાન થઈને જમીન પર પડી ગઈ.
આ ઘટના બાદ ત્યાં હડકંપ મચી ગયો. પરિવારજનો તરત જ તેને મોરસીમના સરકારી હોસ્પિટલમાં લઈ ગયા, જ્યાં પ્રાથમિક સારવાર બાદ હાલત ગંભીર હોવાથી ડોક્ટરોએ તેને આગળ રેફર કરી. ત્યારબાદ તેને બાગોડા હોસ્પિટલ લઈ જતાં માર્ગમાં જ દીપિકાએ અંતિમ શ્વાસ લીધા.
આ અચાનક ઘટનાથી પરિવારજનો સ્તબ્ધ થઈ ગયા. થોડા સમય પહેલા જ્યાં લગ્નના ગીતો ગુંજી રહ્યા હતા, ત્યાં શોકનો માહોલ છવાઇ ગયો છે. ખુશીનો માહોલ પળવારમાં શોકમાં બદલાઈ ગયો.
ગામલોકો અને સગા-સંબંધીઓએ જણાવ્યું કે દીપિકા સંપૂર્ણ સ્વસ્થ લાગી રહી હતી અને ખુશીથી કાર્યક્રમમાં ભાગ લઈ રહી હતી. તેની અચાનક મૃત્યુથી પરિવાર પર દુઃખનો પહાડ તૂટી પડ્યો છે. સમગ્ર ગામમાં પણ આ દુખદ ઘટનાથી શોકનો માહોલ છે.
