ભારતમાં મોટાભાગના લોકો ઘરમાં બનાવેલો ખોરાક જ લે છે. છતાં પણ અહીં ડાયાબિટીસ, હાર્ટ સંબંધિત બીમારીઓ, બ્લડ પ્રેશર, કોલેસ્ટ્રોલ, મદેસ્વિતા અને કેન્સર જેવા રોગો ઝડપથી વધી રહ્યા છે. ક્યારેય વિચાર્યું છે કે આવું કેમ થાય છે? ઘણા કારણોમાંથી એક મોટું કારણ છે—આપણે રોજિંદા ખોરાકમાં જરૂર કરતાં વધુ તેલનો ઉપયોગ કરીએ છીએ. આપણે અંદાજથી દાળ કે શાકમાં જેટલું મન થાય તેટલું તેલ નાખી દઈએ છીએ, જે બિલકુલ નોર્મલ નથી. શું તમે ક્યારેય ગણતરી કરી છે કે તમારા ઘરમાં મહિને કેટલું તેલ વપરાય છે? મોટા ભાગના લોકો આવું કરતા નથી, અને ધીમે ધીમે વધુ તેલનું સેવન શરીરને બીમાર બનાવે છે.
દિવસમાં કેટલું તેલ લેવું જોઈએ?
ન્યુટ્રીશનિસ્ટ શ્વેતા અનુસાર, એક વ્યક્તિએ દિવસ દરમિયાન કુલ 15-20 મિલી ફેટ (તેલ, ઘી, બટર સહિત) લેવું જોઈએ. એટલે કે એક દિવસમાં આ તમામ ફેટની કુલ માત્રા 15-20 મિલીથી વધુ ન હોવી જોઈએ.
મહિને કેટલું તેલ યોગ્ય?
જો એક વ્યક્તિ દિવસમાં 15-20 મિલી તેલ લે છે, તો ચાર સભ્યોના પરિવાર માટે દરરોજ 60-80 મિલી તેલ પૂરતું છે. આ પ્રમાણે, આખા પરિવાર માટે મહિને માત્ર 2 થી 2.5 લીટર તેલ પૂરતું બને છે. એટલે કે એક વ્યક્તિ માટે મહિને આશરે 500ખ-600 મિલી તેલ પૂરતું ગણાય છે.
સરળ ભાષામાં કહીએ તો આને “હાફ લીટર રૂલ” કહેવામાં આવે છે—એટલે કે એક વ્યક્તિએ મહિને અડધો લીટર તેલ કે ઘી જ લેવું જોઈએ.
તેલનો ઉપયોગ કેવી રીતે ઘટાડવો?
ન્યુટ્રીશનિસ્ટ કહે છે કે થોડા સ્માર્ટ ઉપાયો અપનાવીને તમે તેલનું સેવન ઘટાડીને શકો છો:
* સીધું બોટલમાંથી તેલ ન નાખો, ચમચીનો ઉપયોગ કરો
* દિવસમાં વ્યક્તિ દીઠ 3-4 ચમચી તેલ પૂરતું છે
* બ્રેકફાસ્ટ, લંચ અને ડિનર માટે 1-1 ચમચી તેલનો ઉપયોગ કરો
* એક ચમચી તેલના બદલે દેશી ઘીનો ઉપયોગ કરી શકાય, જે પાચન અને સ્કિન માટે ફાયદાકારક છે
મહત્વપૂર્ણ સલાહ
તમારે ફેટ સંપૂર્ણપણે બંધ કરવું નહીં. ફેટ શરીરને વિટામિન A, D, E અને K શોષવામાં મદદ કરે છે. ફક્ત યોગ્ય માત્રા અને યોગ્ય પ્રકારનું ફેટ પસંદ કરવું જરૂરી છે.
વધારે તેલના નુકસાન
વધારે તેલવાળું ખોરાક સીધું હાર્ટ પર અસર કરે છે અને કોલેસ્ટ્રોલ વધારી શકે છે. એક ચમચી તેલમાં લગભગ 120 કેલરી હોય છે, જેનાથી વજન ઝડપથી વધી શકે છે.
