શૂઝની પાછળ કેમ આપવામાં આવે છે આ પટ્ટી? તમે ભલે રોજ પહેરતા હોય પણ નહીં હોય ખબર
secret-behind-the-stripe-why-do-shoes-have-a-loop-at-the-back
ફેશન અને સ્ટાઈલના આજના ટ્રેન્ડમાં મોટા ભાગના લોકો અલગ અલગ ડિઝાઈનના શૂઝ પહેરવાનો શોખ હોય છે. તમને પણ સ્નીકર્સ કે સ્પોર્ટ્સ શૂઝનો ક્રેઝ હશે. પરંતુ આજે અમે આપને શૂઝ સાથે જોડાયેલી એક એવી રસપ્રદ જાણકારી આપીશું, જે કદાચ તમે અત્યાર સુધી નોટિસ કરી હશે પણ તેનો ઉપયોગ નહીં જાણતા હોય.
તમે અત્યારે એક કામ કરો, જો તમે શૂઝ પહેર્યા હોય તો જરા પાછળ નજર નાખો અને જો ન પહેર્યા હોય તો શૂઝ હાથમાં લઈને ચેક કરો. તમને દેખાશે કે, શૂઝમાં પાછળના ભાગે, જ્યાંથી આપણે પગ અંદર નાખીએ છીએ ત્યાં એક નાનકડી પટ્ટી લાગેલી હોય છે. બંને શૂઝમાં આ પટ્ટી જોવા મળે છે. શું તમે ક્યારેય વિચાર્યું છે કે, આ પટ્ટીઓ ત્યાં કેમ આપવામાં આવે છે? શું તે માત્ર શો-પીસ છે કે કોઈ ઉપયોગી કારણ?
શૂઝમાં કેમ હોય છે આ પટ્ટી?
શૂઝની પાછળ લાગેલી આ પટ્ટીઓને ટેકનિકલ ભાષામાં ‘હીલ ટેબ’ અથવા ‘પુલ લૂપ’ કહેવામાં આવે છે. હકીકતમાં આ પટ્ટીઓ ખૂબ જ કામની છે. આ પટ્ટીની મદદથી તમે શૂઝને પાછળની તરફ ખેંચીને ખૂબ જ આરામથી પહેરી શકો છો. તેનાથી શૂઝના પાછળના હિસ્સાને નુકસાન પહોંચતું નથી અને તે વળી જતો નથી.
જ્યારે આપણે શૂઝ પહેરતા હોઈએ છીએ, ત્યારે ઘણીવાર એડીનો ભાગ અંદરની તરફ વળી જતો હોય છે અથવા પગ અંદર જવામાં તકલીફ પડે છે. આ પટ્ટીનો મુખ્ય હેતુ એ છે કે, તમે તેને આંગળીથી પકડીને પાછળની તરફ ખેંચી શકો, જેથી પગ સરળતાથી શૂઝની અંદર જઈ શકે. આનાથી શૂઝની પાછળનો ભાગ જલ્દી ખરાબ થતો નથી.
ધોયા પછી સુકવવામાં મદદરૂપ
આ પટ્ટીઓ શૂઝને ધોયા પછી સુકવવા માટે પણ કામ આવે છે. તમે આ લૂપની મદદથી શૂઝને દોરી કે હૂક પર લટકાવી શકો છો, જેથી તે જલ્દી સુકાઈ જાય. કેટલીક કંપનીઓ આ પટ્ટીનો ઉપયોગ બ્રાન્ડિંગ માટે પણ કરે છે. ઘણીવાર આ પટ્ટી પર કંપનીનું નામ કે લોગો પ્રિન્ટ કરવામાં આવે છે, જે શૂઝને પ્રીમિયમ લુક આપે છે. તેથી હવે જ્યારે પણ તમે નવા શૂઝ પહેરો, ત્યારે આ નાનકડી પટ્ટીનો ઉપયોગ જરૂર કરજો!
