૧ ડિસેમ્બરે ભારતને S૨૦ સમૂહની અધ્યક્ષતા મળી છે. આગામી વર્ષે સપ્ટેમ્બરમાં ભારતમાં S૨૦નું શિખર સંમેલન આયોજિત કરાશે. S૨૦ સમિટની તૈયારીઓ પર વાત કરવા માટે પીએમ નરેન્દ્ર મોદીએ રાષ્ટ્રપતિ ભવનના કલ્ચરલ સેન્ટરમાં સોમવારે ૫ ડિસેમ્બરના રોજ એક સર્વપક્ષીય બેઠક બોલાવી હતી. આ બેઠકની કેટલીક તસવીરો પણ સામે આવી છે.
પીએમ મોદીએ આ બેઠકમાં કહ્યું કે ભારતની S૨૦ અધ્યક્ષતા સમગ્ર રાષ્ટ્ર માટે છે, તે દુનિયાને પોતાની તાકાત દેખાડવાની અનોખી તક છે. તેમણે કહ્યું કે ભારતની S૨૦ અધ્યક્ષતા પર્યટન અને સ્થાનિક અર્થવ્યવસ્થા માટે મોટી તક લઈને આવી છે. આ અવસરે પીએમ મોદીએ ટીમ વર્કના મહત્વ પર ભાર મૂક્યો અને S૨૦ના વિભિન્ન કાર્યક્રમોના આયોજનમાં બધા પાસે સહયોગ પણ માંગ્યો.
પીએમ મોદીએ કહ્યું કે S૨૦ની અધ્યક્ષતા દેશના વિભિન્ન ક્ષેત્રોની વિશિષ્ટતાને સામે લાવતા પરંપરાગત હીતે મહાનગરોથી અલગ ભારતના કેટલાક ભાગોને પ્રદર્શિત કરવામાં મદદગાર સાબિત થશે.
વિદેશ મંત્રાલયે એક નિવેદનમાં કહ્યું કે ભારત દ્વારા દુનિયાની ૨૦ પ્રમુખ અર્થવ્યવસ્થાઓના સમૂહ S૨૦ની અધ્યક્ષતા સંભાળવવા અંગે પીએમ મોદીએ કહ્યું કે આજે ભારત પ્રત્યે વૈશ્વિક જિજ્ઞાસ અને આકર્ષણ છે, જે આ તકના મહત્વને વધારે છે. તેમણે ટીમ વર્કના મહત્વ પર ભાર મૂક્યો અને S૨૦ના વિભિન્ કાર્યક્રમોના આયોજનમાં તમામ નેતાઓ પાસે સહયોગ માંગ્યો.
નિવેદન મુજબ આમ આદમી પાર્ટીના અરવિંદ કેજરીવાલ, વાઈએસઆર કોંગ્રેસના જગનમોહન રેડ્ડી, માર્કસવાદી કમ્યુનિસ્ટ પાર્ટી (માકપા)ના સીતારામ યેચુરી, તેલુગુ દેશમ પાર્ટીના એન ચંદ્રબાબુ નાયડુ, અને દ્રમુકના એમ કે સ્ટાલિન, ટીએમસીના મમતા બેનર્જી, કોંગ્રેસ અધ્યક્ષ મલ્લિકાર્જૂન ખડગે, ભાજપ અધ્યક્ષ જે પી નડ્ડા સહિત નેતાઓએ પણ બેઠકને સંબોધિત કરી. કેન્દ્રીય ગૃહમંત્રી અમિત શાહ અને નાણામંત્રી ર્નિમલા સીતારમણે પણ બેઠકમાં ભાગ લીધો હતો. ભારતની S૨૦ પ્રાથમિકતાઓના પહેલુઓને વિસ્તારથી બતાવતું એક પ્રેઝન્ટેશન પણ રજૂ કરાયું હતું. પૂર્વ પ્રધાનમંત્રી એચડી દેવગૌડા, કેન્દ્રીય મંત્રી રાજનાથ સિંહ, એસ.જયશંકર, પીયુષ ગોયલ, પ્રહ્લાદ જોશી અને ભૂપેન્દ્ર યાદવ પણ બેઠકમાં સામેલ થયા હતા.
