મોડી રાત સુધી જાગવાની ટેવ છે તો હવે સાવધાન થઇ જવાની જરૂર છે. કારણ કે મોડી રાત સુધી જાગવાની ટેવના કારણે વહેલી તકે મોતની આશંકા ૧૦ ટકા સુધી વધી જાય છે. જો તમે લાંબી જિન્દગી જીવવા માંગો છો અને માનસિક તાણને દુર રાખવા માટે ઇચ્છો છો તો વહેલી તકે રાત્રે બિસ્તરમાં ઘુસી જવાની ટેવ પાડવી પડશે. એક રિસર્ચમાં પણ આ બાબત સપાટી પર આવી ચુકી છે. જેમાં કહેવામાં આવ્યુ છે કે જો લોકો મોડી રાત સુધી જાગે છે અને સવારે મોડે સુધી ઉંઘતા રહે છે તેમનામાં વહેલી તકે ઉંઘી જવા ને જલ્દીથી ઉઠી જનાર લોકોની તુલનામાં મરવાની આશંકા ૧૦ ટકા વધારે રહે છે. જે લોકો મોડી રાત સુધી બિસ્તરથી દુર રહે છે અને સવારે મોડા સુધી સુતા રહે છે તે જલ્દી ઉઠી જનાર લોકોની સંખ્યામાં ઓછા સમય સુધી જીવી શકે છે.
બ્રિટનમાં ૩૮ વર્ષથી લઇને ૭૩ વર્ષના ચાર લાખ ૩૦ હજાર લોકોને આવરી લઇને કરવામાં આવેલા રિસર્ચમાં કેટલીક બાબતો સપાટી પર આવી છે. ઇંગ્લેન્ડની સરે યુનિવર્સિટીના સંશોધક અને રિપોર્ટના સહ લેખક માલ્કમ વૈન શેટ્જ કહે છે કે આ લોકોના આરોગ્ય સાથે જાડાયેલા મહત્વના વિષય તરીકે છે. હવે આને નજર અંદાજ કરી શકાય નહી. શિકાગોની નોર્થવેસ્ટર્ન યુનિવર્સિટીના સંશોધક અને રિપોર્ટના સહ લેખક ક્રિસ્ટન કહે છે કે રાતના ગાળામાં મોડે સુધી જાગનાર લોકોમાં શારરિક સમસ્યા વધારે રહે છે. શોધમાં સામેલ કરવામાં આવેલા લોકોનુ કહેવુ છે કે આશરે ૨૭ ટકા લોકોએ પોતાને સંપૂર્ણ પણે સવારમાં કામ કરનાર વ્યક્તિ તરીકે ગણાવ્યા છે. બીજા ૩૫ ટકા લોકોએ મોટા ભાગે કામ સવારમાં અને કેટલુક કામ સાંજે કરનાર તરીકે ગણાવ્યા છે. બીજા ૨૮ ટકા લોકોએ કહ્યુ છે કે તેઓ સાંજે વધારે અને સવારમાં ઓછુ કામ કરે છે. જયારે નવ ટકા લોકો સંપૂર્ણપણે પોતાને સંપૂર્ણ પણે સાંજે કામ કરનાર તરીકે ગણે છે. શોધમાં આ પ્રકારના લોકોના વજન, ધુમ્રપાનની ટેવ, સામાજિક અને આર્થિક સ્થિતીને પણ ધ્યાનમાં લેવામાં આવી છે.
છેલ્લા કેટલાક વર્ષોથી ચાલી રહેલી આ રિસર્ચમાં સાઢા છ વર્ષના ગાળા દરમિયાન થયેલા મોતના મામલે અભ્યાસની કામગીરી હાથ ધરવામાં આવી હતી. આ ગાળા દરમિયાન કુલ ૧૦ હજાર ૫૦૦ મોતનો આંકડો સપાટી પર આવ્યો હતો.શોધ કરનાર લોકોએ આંકડામાં અભ્યાસ કર્યા બાદ કહ્યુ છે કે જે ગ્રુપના લોકો રાત્રી ગાળામાં વધારે જાગતા હતા તેમાં મોતનો આંકડો વધારે છે. તેમનામાં વહેલી તકે ઉઠી જનાર અને વહેલ તકે બિસ્તરમાં ઘુસી જનાર લોકો કરતા મોતનો આંકડો દસ ૧૦ ટકા વધારે છે. આની સાથે સાથે મોડી રાત સુધી કામ કરનાર લોકોમાં અન્ય કેટલીક સમસ્યા રહે છે. જેમાં ડાયાબિટીસ, પેટ અને શ્વાસ લેવાની તકલીફ, મનૌવૈજ્ઞાનિક વિકાર, ઓછી નિંદની સમસ્યા જાવા મળે છે. સાથે સાથે આ લોકો ધુમ્રપાન, શરાબ અને કોફીનો ઉપયોગ વધારે કરે છે. શોધમાં અભ્યાસ બાદ દાવો કરવામાં આવ્યો છે કે આ લોકોમાં મોતનો ખતરો વધારે હોય છે. કારણ કે મોડે સુધી સુઇને ઉઠવાના કારણે તેમની બાયલોજિકલ ક્લોક પોતાના આસપાસના વાતાવરણના કારણે મેળ ખાતી નથી. નિષ્ણાંત લોકોનુ કહેવુ છે કે ખોટા સમયમાં જમવાની બાબત, સારી રીતે ઉંઘ ન માણવી , પુરતા પ્રમાણમાં કસરત ન કરવાની બાબત માનસિક ટેન્સન વધારી દે છે. રિસર્ચ કરનાર લોકોએ મોડી રાત સુધી જાગનાર લોકો માટે ખાસ પ્રકારની સારવારની પણ વાત કરી છે.
અન્ય અન્ય અભ્યાસમાં એમ પણ કહેવામાં આવ્યુ છે કે રાત્રી ગાળામાં પણ વધારે પ્રમાણમાં ઉંઘ હોવી જાઇએ નહી.તાજેતરમાં જ કરવામાં આવેલા એક ચોંકાવનારા અભ્યાસમાં જાણવા મળ્યું છે કે વધારે પડતી ઉંઘ પણ ખતરનાક સાબિત થઈ શકે છે. વધારે પડતી ઉંઘથી હાર્ટ સાથે સંબંધિત તકલીફ સર્જી શકે છે. ઉંઘના સંબંધમાં વારંવાર અભ્યાસ થતા રહ્યા છે. હવે ભારતીય મુળના વૈજ્ઞાનિકે ઘટસ્ફોટ કર્યો છે કે વધાર પડતી ઉંઘ અને ખૂબ ઓછી ઉંઘ બંને હાર્ટની સમસ્યા તરફ દોડી શકે છે. શિકાગો મેડિકલ સ્કૂલમાં મેડિશિનના પ્રોફેશર અને કાર્ડિઓલોજીના ચેરમેન રોહિત આર.અરોડાએ કહ્યું છે કે તેઓ અને તેમની ટીમ છેલ્લા કેટલાક સમયથી વધારે પડતી અને ઓછી ઉંઘને લઇને અભ્યાસ કરી રહી હતી. હવે એવું જાણવા મળ્યું છે કે રાત્રીગાળા દરમિયાન ૬ કલાકથી ઓછી ઉંઘ લેનાર વ્યક્તિમાં સ્ટ્રોક, હાર્ટ અટેક અને કન્જેસેટિવ હાર્ટ ફેલિયોર થવાના ખતરા રહે છે.
આવી જ રીતે રાત્રી ગાળા દરમિયાન આઠ કલાકથી વધુ ઉંઘ લેનાર વ્યક્તિમાં પણ હાર્ટની સમસ્યા થઈ શકે છે. ખાસ કરીને છાતીમાં દુખાવા અને કોરોનરી આર્ટેરી રોગ થઇ શકે છે. લોહીના પુરવઠા અને ઓક્સિજનને હાર્ટ સુધી પહોંચારનાર ધમનીઓમાં તકલીફ ઉભી થઇ શકે છે. આ અભ્યાસના તારણો ખૂબ જ મહત્વપૂર્ણ છે. સંશોધકોએ નેશનલ હેલ્થ એન્ડ ન્યુટ્રીશન એક્ઝામિનેશન સર્વેમાં ભાગ લેનાર ૪૫ વર્ષની વયના ઉપરના ૩૦૧૯ દર્દીઓને આવરી લઇને કરવામાં આવેલા અભ્યાસમાં આ મુજબની તારણો આપવામાં આવ્યા છે. અભ્યાસમાં જણાવવામાં આવ્યું છે કે ઓછી ઉંઘ લેનાર લોકોમાં સ્ટ્રોક અને હાર્ટઅટેકની સંભાવના રહે છે.
