ગુજરાત: બિલિયન લાઇવ્સ ફાઉન્ડેશન દ્વારા વડોદરામાં તેનું મહત્વપૂર્ણ કાર્યક્રમ “સંવાદ 17” સફળતાપૂર્વક આયોજન કરવામાં આવ્યું, જે મહિલા દિવસની ઉજવણીને સમર્પિત હતું. કાર્યક્રમનો મુખ્ય ઉદ્દેશ મહિલાઓના યોગદાન, શક્તિ અને સિદ્ધિઓને સન્માન આપવાનો હતો.
કાર્યક્રમ દરમિયાન વિવિધ ક્ષેત્રોમાં ઉત્કૃષ્ટ કાર્ય કરનાર 12 પ્રેરણાદાયક મહિલાઓને “પ્રેરણા પુરસ્કાર 2.0”થી સન્માનિત કરવામાં આવી. તેમની સિદ્ધિઓ અને સમાજમાં આપેલા યોગદાનને માન આપી તેમને એવોર્ડ આપવામાં આવ્યો. આ પ્રસંગે ફાઉન્ડેશનના સક્રિય વોલન્ટિયર્સ અને ઇન્ટર્ન્સને પણ તેમના મહત્વપૂર્ણ યોગદાન બદલ પ્રશંસા કરવામાં આવી. કાર્યક્રમમાં સંસ્કૃતિક રજૂઆતો પણ યોજાઈ હતી, જેમાં મહિલા સશક્તિકરણના થીમ પર આધારીત ડાન્સ પરફોર્મન્સ રજૂ કરવામાં આવ્યું હતું. સાથે ઇન્ટર્ન્સ દ્વારા મહિલા સશક્તિકરણ પર આધારીત નાટક (સ્કિટ) રજૂ કરવામાં આવ્યું, જેને ઉપસ્થિત લોકો તરફથી ખૂબ પ્રશંસા મળી.
આ ખાસ અવસરે ફાઉન્ડેશન દ્વારા તેના “ઉમંગ” ન્યૂઝલેટરનું ત્રીજું સંસ્કરણ લોન્ચ કરવામાં આવ્યું, જેનું મુખ્ય વિષય મહિલા સશક્તિકરણ હતું. જેમાં ફાઉન્ડેશનના વિવિધ પ્રોજેક્ટ્સ, સફળતા કથાઓ અને સમાજમાં થયેલા પરિવર્તનનો સમાવેશ કરવામાં આવ્યો છે.
કાર્યક્રમ દરમિયાન ફાઉન્ડર અને ડિરેક્ટર કિન્નરી હરિયાણી દ્વારા છેલ્લા બે મહિનાના પ્રોજેક્ટ્સ અને કામગીરી અંગે વિગતવાર પ્રેઝન્ટેશન આપવામાં આવ્યું. તેમણે તમામ સન્માનિત મહિલાઓને તેમની સિદ્ધિઓ માટે અભિનંદન આપ્યા અને તેમની પ્રશંસા કરી.
કિન્નરી હરિયાણીએ જણાવ્યું કે, “મહિલા સશક્તિકરણ માત્ર એક વિચાર નથી, પરંતુ સમાજમાં સમાનતા, સન્માન અને અવસર ઉભા કરવાનો સતત પ્રયત્ન છે. ‘સંવાદ 17’ દ્વારા અમે એવી મહિલાઓને સન્માનિત કરવા માંગીએ છીએ, જેઓ સમાજમાં સકારાત્મક પરિવર્તન લાવી રહી છે. બિલિયન લાઇવ્સ ફાઉન્ડેશન હંમેશા મહિલાઓના વિકાસ અને સશક્તિકરણ માટે પ્રતિબદ્ધ રહેશે.”
કાર્યક્રમનો અંત ઉત્સાહ અને પ્રેરણાથી ભરપૂર રહ્યો, જેમાં ઉપસ્થિત તમામ લોકોને મહિલા સશક્તિકરણ માટે આગળ આવવા પ્રેરણા મળી.
