‘કનેક્શન કિંગઝ લીગ’ની સફળતા બાદ મેગા એવોર્ડ્સ સમારોહ અને મહિલા ઉદ્યોગસાહસિકો માટે નવા ચેપ્ટરની જાહેરાત
અમદાવાદ : વિશ્વાસ, સહયોગ અને અર્થપૂર્ણ વ્યવસાયિક સંબંધોના આધારે ઉદ્યોગસાહસિકોને તેમની સંપૂર્ણ ક્ષમતા સુધી પહોંચાડવાના ઉદ્દેશ સાથે કાર્યરત બિઝ ટ્રીઝ વર્ષ 2021થી ગુજરાતમાં એક મજબૂત પ્રોફેશનલ બિઝનેસ નેટવર્કિંગ સમુદાય તરીકે પોતાની આગવી ઓળખ બનાવી રહ્યું છે.
100 કિચન્સ, શાંગરિલા આર્કેડ, શ્યામલ ચાર રસ્તા ખાતે યોજાયેલી પત્રકાર પરિષદમાં બિઝ ટ્રીઝની સ્થાપિકા શ્રીમતી રિદ્ધિ રાવલએ જણાવ્યું હતું કે, “બિઝ ટ્રીઝ માત્ર એક નેટવર્કિંગ પ્લેટફોર્મ નથી, પરંતુ વિશ્વાસ, સહકાર અને રેફરલ્સના આધારે એકબીજાના વિકાસ માટે કાર્યરત સમુદાય છે. અમે એવા વાતાવરણનું નિર્માણ કરીએ છીએ જ્યાં સભ્યો અર્થપૂર્ણ કનેક્શન્સ દ્વારા નવા વ્યવસાયિક અવસરો સર્જે છે, રેફરલ્સનું વિનિમય કરે છે અને લાંબા ગાળાના સંબંધો વિકસાવે છે.” તેમણે વધુમાં જણાવ્યું હતું કે બિઝ ટ્રીઝ આજે ગુજરાતના સૌથી ઝડપથી વિકસતા પ્રોફેશનલ નેટવર્કિંગ સમુદાયોમાંનું એક બની ગયું છે અને આગામી સમયમાં વધુ ઉદ્યોગસાહસિકોને જોડવાનો સંકલ્પ ધરાવે છે.
કનેક્શન કિંગઝ લીગની સિદ્ધિઓ
1થી 23 જૂન, 2026 દરમિયાન યોજાયેલી કનેક્શન કિંગઝ લીગમાં કુલ 6 ચેપ્ટર્સે ભાગ લીધો હતો. લીગ દરમિયાન નોંધપાત્ર પરિણામો પ્રાપ્ત થયા હતા.
- કુલ સભ્યો: 206
- કુલ O2O ઇન્ટરએક્શન્સ: 3219
- કુલ રેફરલ્સ: 1,386
- રેફરલ્સનું કુલ મૂલ્ય: ₹7,52,33,61,746
- કુલ બિઝનેસ ડીલ્સ: 1,462
- કુલ બિઝનેસનું મૂલ્ય: ₹5,11,53,113
- ભાગ લેનારા સભ્યો: 124
- નવા જોડાયેલા સભ્યો: 42
110થી વધુ ઉદ્યોગસાહસિકોનું થશે સન્માન
બિઝ ટ્રીઝ દ્વારા 27 જૂન, 2026ના રોજ અમદાવાદના સિલ્વર ક્લાઉડ ખાતે કનેક્શન કિંગઝ લીગ મેગા એવોર્ડ્સ ફંક્શનનું આયોજન કરવામાં આવશે. આ પ્રસંગે 110થી વધુ ઉદ્યોગસાહસિકોને બિઝનેસ ગ્રોથ, નેટવર્કિંગ અને સમુદાય વિકાસમાં તેમના નોંધપાત્ર યોગદાન બદલ સન્માનિત કરવામાં આવશે.
મહિલા ઉદ્યોગસાહસિકો માટે નવા ચેપ્ટરની શરૂઆત
મહિલા ઉદ્યોગસાહસિકોને વધુ મજબૂત નેટવર્ક અને વ્યવસાયિક તકો ઉપલબ્ધ કરાવવા માટે બિઝ ટ્રીઝ 30 જુલાઈ, 2026ના રોજ તેની 7મી ચેપ્ટર, ખાસ મહિલા ઉદ્યોગસાહસિકો માટે સમર્પિત નવા ચેપ્ટરની શરૂઆત કરશે. આ પહેલ મહિલાઓને સશક્ત બનાવવાની સાથે તેમની વ્યવસાયિક પ્રગતિમાં મહત્વપૂર્ણ ભૂમિકા ભજવશે.
25 સ્પોન્સર્સનો મળ્યો સહયોગ
કનેક્શન કિંગઝ લીગને કુલ 25 મુખ્ય સ્પોન્સર્સનો મહત્વપૂર્ણ સહયોગ પ્રાપ્ત થયો હતો.
પ્લેટિનમ સ્પોન્સર્સ
- શ્રી હિતેન સાંઘવી – અવની જ્વેલ્સ
- શ્રી વિષ્ણુ કમલિયા – વિક્રાંત કોર્પોરેશન
ગોલ્ડ સ્પોન્સર્સ
- શ્રી તેજસ પી. સાનન્દિયા
- સુશ્રી અંકિતા ખંત
- શ્રી જિતેન્દ્ર ગેહલોટ
- શ્રી નિલકંઠ માત્તર
- શ્રી ગૌરવ શાહ
- શ્રી દર્શન પરમાર
સિલ્વર સ્પોન્સર્સ
લીગને સફળ બનાવવા માટે 17 સિલ્વર સ્પોન્સર્સની ટીમે મહત્વપૂર્ણ યોગદાન આપ્યું હતું.
