Churu Dust Strom: રાજસ્થાનના ચુરુ જિલ્લામાં શનિવારે બપોરે અચાનક હવામાનમાં આવેલા મોટા પલટાએ લોકોને ચોંકાવી દીધા હતા. બપોરના સમયે ધૂળના પ્રચંડ વાવાઝોડાને કારણે આખું આકાશ ધૂળના ગાઢ વાદળોથી ઢંકાઈ ગયું હતું, જેના કારણે દિવસ દરમિયાન જ રાત્રિ જેવું વાતાવરણ સર્જાયું હતું અને ભરબપોરે આખું ગામ અંધકારમાં ડૂબી ગયું હોય એવા દ્રશ્યો સર્જાયા હતા.
બપોરે લગભગ 2 વાગ્યાની આસપાસ શરૂ થયેલા વાવાઝોડાની અસર એટલી તીવ્ર હતી કે સૂર્યપ્રકાશ પણ ધૂંધળો પડી ગયો હતો. શહેરના અનેક વિસ્તારોમાં દૃશ્યતા નોંધપાત્ર રીતે ઘટી જતાં વાહનચાલકોને હેડલાઇટ ચાલુ રાખીને વાહન ચલાવવાની ફરજ પડી હતી. ધૂળના ગાઢ વાદળોને કારણે થોડા અંતર સુધી પણ સ્પષ્ટ રીતે જોવું મુશ્કેલ બન્યું હતું.
JUST IN: 🇮🇳 A massive dust storm sweeps through Sardarshahar in Rajasthan’s Churu district, reducing visibility and disrupting normal life across the region. pic.twitter.com/fZBBbYZ112
— Asia Nexus (@nexusasian) May 30, 2026
અચાનક આવેલા આ હવામાન પરિવર્તનથી બજારો અને જાહેર સ્થળોએ નાસભાગ મચી ગઈ હતી. લોકો ધૂળ અને તેજ પવનથી બચવા માટે દુકાનો તેમજ સુરક્ષિત સ્થળોએ આશરો લેતા જોવા મળ્યા હતા. વાવાઝોડાના કારણે કેટલાક વિસ્તારોમાં વૃક્ષો, છોડ અને વીજ તારોને નુકસાન પહોંચ્યું હોવાની માહિતી પણ સામે આવી રહી છે.
ચુરુ ઉપરાંત સરદારશહેર વિસ્તારમાં પણ ધૂળના તોફાનની ભારે અસર જોવા મળી હતી. સમગ્ર આકાશ ધૂળના વાદળોથી છવાઈ જતાં દિવસ દરમિયાન અંધકારમય વાતાવરણ સર્જાયું હતું. ધૂળના વંટોળને કારણે જનજીવન પ્રભાવિત થયું હતું અને લોકોને રોજિંદા કાર્યોમાં મુશ્કેલીનો સામનો કરવો પડ્યો હતો.
Unbelievable Scenes , This is Churu, Rajasthan At 2 PM Today ! pic.twitter.com/C0rJmGsoUa
— The Frustrated Indian (@FrustIndian) May 30, 2026
જોકે આ હવામાન પરિવર્તનના કારણે છેલ્લા કેટલાક દિવસોથી પડી રહેલી કાળઝાળ ગરમીમાંથી લોકોને રાહત મળી હતી, પરંતુ ધૂળના તોફાનને કારણે સામાન્ય જીવન વ્યવસ્થા ખોરવાઈ ગઈ હતી. સ્થાનિક પ્રશાસન સ્થિતિ પર નજર રાખી રહ્યું છે અને લોકોને સાવચેતી રાખવાની અપીલ કરવામાં આવી છે.
