સાજીદ નડિયાદવાલાએ હાલમાં જ સલમાન ખાનની ફિલ્મ કિકની સિક્વલ માટે મૌન તોડ્યું છે અને કહ્યુ છે કે કિક-2માં સલમાનખાનના ડબલ રોલ નહી હોય. કિક-2 વર્ષ 2019માં ક્રિસમસમાં રિલીઝ કરવામાં આવશે. ઘણા સમયથી ચર્ચા હતી કે કિકની સિક્વલ બનશે અને ફાઇનલી હવે કિક-2 બનવા જઇ રહી છે.
જ્યારે સાજીદને પૂછવામાં આવ્યુ કે સલમાન કેમ કિક-2 વિશે કંઇ બોલી નથી રહ્યો ત્યારે સાજીદે હસીને કહ્યું કે તેનું રિએક્શન હંમેશા છેલ્લે જ આવે છે. સાજીદ સલમાનને એક મહિના પછી સ્ક્રીપ્ટ આપશે અને સલમાન તેના પર 2 મહિના પછી જ કંઇક રિએક્ટ કરશે.સાજીદે એ પણ કહ્યું કે સલમાન સેટ ઉપર રાઇટર પણ બની જાય છે ઓન ધ સ્પોટ સ્ક્રીપ્ટમાં ફેરફાર કરી દે છે.
એવા રુમર્સ વહેતા થયા હતા કે સલમાન માટે કિક-2માં ડબલ રોલ એકદમ સરળ રહેશે પણ સાજીદે જણાવ્યુ છે કે કિક-2માં સલમાનનો ડબલ રોલ નથી અને હજી સુધી સલમાને સ્ક્રીપ્ટ જ વાંચી નથી તો ડબલરોલનો સવાલ જ ઉભો નથી થતો.
કિક ફિલ્મે બોક્સઓફિસના બધા જ રેકોર્ડ તોડી નાંખ્યા હતા અને દર્શકોને કિક ખૂબ જ પસંદ આવી હતી. હવે કિક-2 માટે કહેવાઇ રહ્યું છે કે ફિલ્મ કિકનો પણ રેકોર્ડ તોડી નાંખશે અને સલમાન સિવાય બીજા ઘણા એક્ટર્સ કિક-2માં હશે. હવે વાત કેટલી સત્ય છે તે તો ફિલ્મ રિલીઝ થયા પછી જ ખબર પડશે.
