મુંબઈ : અક્ષય કુમાર અને વિપુલ અમૃતલાલ શાહની આગામી સાયન્સ-ફિક્શન એલિયન સર્વાઇવલ-ઍક્શન થ્રિલર Samukને લઈને નવી માહિતી સામે આવી છે. રિપોર્ટ્સ અનુસાર, અભિનેતા વિનિત કુમાર સિંહ પણ ફિલ્મની કાસ્ટમાં જોડાયા છે અને મહત્વની ભૂમિકામાં જોવા મળશે.
ડિરેક્ટર કનિષ્ક વર્મા દ્વારા નિર્દેશિત આ ફિલ્મમાં વિનિતનું પાત્ર વાર્તામાં મહત્વપૂર્ણ ભૂમિકા ભજવશે. સૂત્રોના જણાવ્યા અનુસાર, તેમની રૉ અને ઇન્ટેન્સ સ્ક્રીન પ્રેઝન્સને ધ્યાનમાં રાખીને આ ભૂમિકા માટે પસંદગી કરવામાં આવી છે. ફિલ્મમાં તેમનું પાત્ર અક્ષય કુમારના પાત્ર સાથે મજબૂત જોડાણ ધરાવતું હોવાનું જાણવા મળે છે.
વિનિત કુમાર સિંહ ‘મુક્કાબાઝ’, ‘ગૅન્ગ્સ ઑફ વાસેપુર’, ‘ગોલ્ડ’, ‘ગુંજન સક્સેના: ધ કારગિલ ગર્લ’, ‘સાંડ કી આંખ’, ‘જાટ’ અને ‘છાવા’ જેવી ફિલ્મોમાં નોંધપાત્ર ભૂમિકાઓ ભજવી ચૂક્યા છે. સનશાઇન પિક્ચર્સના બેનર હેઠળ બની રહેલી Samukને આશીન એ. શાહ કો-પ્રોડ્યુસ કરી રહ્યા છે. ફિલ્મનું શૂટિંગ હાલમાં લંડનમાં ચાલી રહ્યું છે. સાયન્સ-ફિક્શન, ઍક્શન, સર્વાઇવલ અને હૉરરના સંયોજન સાથે તૈયાર થઈ રહેલી આ ફિલ્મ ૨૦૨૭માં થિયેટરમાં રિલીઝ થવાની શક્યતા છે.
