કાર નિર્માતા કંપની સિટ્રોએને ભારતીય બજારમાં પોતાની નવી એન્ટ્રી-લેવલ ઇલેક્ટ્રિક કાર Citroen eC3X લોન્ચ કરી છે. કંપનીએ આ કારને Battery-as-a-Service (BaaS) મોડલ સાથે રજૂ કરી છે, જેના કારણે તેની શરૂઆતની કિંમત ઘણી ઓછી રાખવામાં આવી છે. આ ઇલેક્ટ્રિક કારની પ્રારંભિક એક્સ-શોરૂમ કિંમત ₹6.89 લાખ છે. કંપનીએ તેની બુકિંગ પણ શરૂ કરી દીધી છે.
SUV જેવી સ્ટાઇલિશ ડિઝાઇન
નવી Citroen eC3Xની ડિઝાઇન તેના પેટ્રોલ મોડલ જેવી જ રાખવામાં આવી છે. કારના આગળના ભાગમાં LED DRLs, ફોગ લેમ્પ્સ અને કંપનીની સિગ્નેચર ગ્રિલ આપવામાં આવી છે, જે તેને આકર્ષક લુક આપે છે. ઉપરાંત, 15 ઇંચના એલોય વ્હીલ્સ અને બોડી ક્લેડિંગ તેને SUV જેવો દેખાવ આપે છે.
કંપની આ કારને કુલ 6 રંગોમાં લઈને આવી છે:
* પોલાર વ્હાઇટ
* સ્ટીલ ગ્રે
* કોસ્મો બ્લૂ
* પર્લા નેરા બ્લેક
* ગાર્નેટ રેડ
* ડીપ ફોરેસ્ટ ગ્રીન
કેબિનમાં અનેક આધુનિક ફીચર્સ
કારના ઇન્ટિરિયરમાં મોટા ફેરફારો કરવામાં આવ્યા નથી, પરંતુ ઇલેક્ટ્રિક મોડલને અલગ ઓળખ આપવા માટે ડેશબોર્ડ પર ઇલેક્ટ્રિક બ્લૂ ફિનિશ આપવામાં આવી છે. પ્રીમિયમ લેધરેટ અપહોલ્સ્ટ્રી કેબિનને વધુ આકર્ષક બનાવે છે.
ફીચર્સમાં સામેલ છે:
* 10.25 ઇંચનું ટચસ્ક્રીન ઇન્ફોટેનમેન્ટ સિસ્ટમ
* વાયરલેસ Apple CarPlay
* વાયરલેસ Android Auto
* વાયરલેસ મોબાઇલ ચાર્જર
સેફ્ટી અને ટેક્નોલોજી પર ખાસ ધ્યાન
Citroen eC3Xમાં કનેક્ટેડ કાર ટેક્નોલોજી 2.0, રિમોટ એક્સેસ ફીચર્સ અને ઇલેક્ટ્રોક્રોમિક IRVM જેવા આધુનિક ફીચર્સ આપવામાં આવ્યા છે.
ગ્રાહકો વધારાના ચાર્જ સાથે JBL ઓડિયો સિસ્ટમ અને ફ્રન્ટ-રિયર ડેશકેમ પેકેજ પણ પસંદ કરી શકે છે.
સુરક્ષા માટે કારમાં નીચેના ફીચર્સ આપવામાં આવ્યા છે:
* 6 એરબેગ્સ
* ABS સાથે EBD
* ISOFIX ચાઇલ્ડ સીટ માઉન્ટ
* લેન ડિપાર્ચર વોર્નિંગ
* હાઇ-સ્પીડ એલર્ટ
320 કિમી રેન્જ અને માત્ર 57 મિનિટમાં ચાર્જ
નવી Citroen eC3Xમાં 29.2 kWh ક્ષમતાનો બેટરી પેક આપવામાં આવ્યો છે. કંપનીના દાવા અનુસાર આ કાર એક વખત સંપૂર્ણ ચાર્જ કર્યા પછી 320 કિલોમીટર સુધીની રેન્જ આપી શકે છે.
આમાં આપવામાં આવેલી ઇલેક્ટ્રિક મોટર આપવામાં આવી છે, 57 હોર્સપાવરની શક્તિ અને 143 Nm ટોર્ક ઉત્પન્ન કરે છે. ચાર્જિંગની વાત કરીએ તો DC ફાસ્ટ ચાર્જરની મદદથી બેટરીને 10 ટકાથી 80 ટકા સુધી ચાર્જ કરવામાં માત્ર 57 મિનિટનો સમય લાગે છે.
શું છે BaaS મોડલ?
BaaS (Battery-as-a-Service)એ એક એવી વ્યવસ્થા છે જેમાં ગ્રાહકે ઇલેક્ટ્રિક કાર ખરીદતી વખતે બેટરીની સંપૂર્ણ કિંમત ચૂકવવાની જરૂર પડતી નથી. તેના કારણે વાહનની શરૂઆતની કિંમત નોંધપાત્ર રીતે ઓછી થઈ જાય છે.
કાર ખરીદ્યા બાદ ગ્રાહક બેટરીના ઉપયોગ માટે અલગથી નિર્ધારિત ચાર્જ ચૂકવે છે, જે સામાન્ય રીતે પ્રતિ કિલોમીટર અથવા માસિક પ્લાનના આધારે લેવામાં આવે છે.
Citroen eC3Xમાં પણ આ જ મોડલ અપનાવવામાં આવ્યું છે, જેમાં ગ્રાહકોને બેટરી ઉપયોગ માટે ₹2.26 પ્રતિ કિલોમીટરનો ચાર્જ ચૂકવવો પડશે.
ઓછી કિંમત, સારી રેન્જ અને આધુનિક ફીચર્સને કારણે Citroen eC3X ભારતીય EV બજારમાં એક આકર્ષક વિકલ્પ બની શકે છે.
