પ્રવાસન અને સંસ્કૃતિના અગ્ર સચિવ અને પ્રવાસન બોર્ડના મેનેજિંગ ડિરેક્ટર શિવ શેખર શુક્લાએ માહિતી આપી હતી કે ભોપાલ WTM (વર્લ્ડ ટ્રાવેલ માર્કેટ) રિસ્પોન્સિબલ ટુરિઝમ ઈન્ડિયા એવોર્ડ્સનું યજમાની કરશે. સાથે જ મધ્યપ્રદેશ ટુરિઝમ બોર્ડ ADTOI-MP ચેપ્ટર (એસોસિએશન ઓફ ડોમેસ્ટિક ટૂર ઓપરેટર્સ ઓફ ઈન્ડિયા) ના સહયોગથી ‘ઈન્ટરનેશનલ સેન્ટર ફોર રિસ્પોન્સિબલ ટૂરિઝમ’, યુકે (ICRT) માટે રિસ્પોન્સિબલ ટુરિઝમ પર આંતરરાષ્ટ્રીય પરિસંવાદ પણ યોજાશે.
અગ્ર સચિવ શ્રી શુક્લાએ જણાવ્યું હતું કે આંતરરાષ્ટ્રીય સેમિનાર અને WTM એવોર્ડનું આયોજન કરવું એ રાજ્ય માટે ગૌરવની ક્ષણ છે. 30 ઓગસ્ટથી શરૂ થનાર કાર્યક્રમો 10 સપ્ટેમ્બર સુધી ચાલશે. યુકે, ઓસ્ટ્રેલિયા, દક્ષિણ આફ્રિકા, ફ્રાન્સ સહિતના વિવિધ દેશોના પ્રતિનિધિઓની બનેલી આઈસીઆરટી ટીમ મધ્યપ્રદેશના વિવિધ સ્થળોની મુલાકાત લેશે. ટીમનું નેતૃત્વ આઈસીઆરટીના સ્થાપક નિયામક અને રિસ્પોન્સિબલ ટૂરિઝમ ભાગીદારીના મેનેજિંગ ડિરેક્ટર (MD) ડૉ. હેરોલ્ડ ગુડવિન કરશે. આ ટીમ રાજ્યના સમૃદ્ધ હેરિટેજ સ્થળો અને ગ્રામીણ પ્રવાસન હેઠળ વિકસિત ગામોની મુલાકાત લેશે. સાથે જ રાજ્યના વિવિધ શહેરોમાં ગ્રામ્યસ્ટે, સ્થાનિક પર્યટન, પરંપરાગત વાનગીઓ અને સાંસ્કૃતિક કાર્યક્રમોમાં પણ ભાગ લેશે. તેઓ મડલા ખાતે પ્રોજેક્ટ ક્લીન ડેસ્ટિનેશન (સોલિડ વેસ્ટ મેનેજમેન્ટ), પ્રોજેક્ટ રિસ્પોન્સિબલ સોવેનિયર અને ઓરછામાં પ્રોજેક્ટ હમસફરની પણ સમીક્ષા કરશે.
આ પ્રસંગે એડિશનલ મેનેજિંગ ડાયરેક્ટર શ્રી વિવેક ખોતરીયા, ડાયરેક્ટર (સ્કિલ) શ્રી મનોજકુમાર સિંઘ અને પ્રવાસન બોર્ડના અધિકારીઓ ઉપસ્થિત રહ્યા હતા.
કાર્યક્રમ:
- ટીમ 30મી અને 31મી ઓગસ્ટ, 2022ના રોજ મિતાવલી, પડાવલી, બટેશ્વર અને ગ્વાલિયરની મુલાકાત લેશે.
- 1લી અને 2જી સપ્ટેમ્બરે ઓરછા અને આસપાસના ગામો (રાધાપુર અને લાડપુરાખાસ)ની મુલાકાત લેશે.
- 3 અને 4 સપ્ટેમ્બરના રોજ, ટીમ ખજુરાહો, મડલા, ધમા અને બસતાની મુલાકાત લેશે.
- 6ઠ્ઠી સપ્ટેમ્બરે કુશાભાઉ ઠાકરે કન્વેન્શન સેન્ટર, ભોપાલ ખાતે આઈસીઆરટી વર્કશોપનું આયોજન કરવામાં આવશે.
- 7મી સપ્ટેમ્બર, 2022ના રોજ ડબ્લ્યૂટીએમ (વર્લ્ડ ટ્રાવેલ માર્કેટ) રિસ્પોન્સિબલ ટુરિઝમ ઈન્ડિયા એવોર્ડ્સ કુશાભાઉ ઠાકરે કન્વેન્શન સેન્ટર, ભોપાલ ખાતે યોજાશે.
- 8 અને 9 સપ્ટેમ્બરના રોજ, ટીમ ઢાબા, ચેડકા, સબરવાની, મઢાઈ અને પચમઢી સહિતના ગામોની મુલાકાત લેશે.
- કુશાભાઉ ઠાકરે કન્વેન્શન સેન્ટરના પ્રાંગણમાં 5 સપ્ટેમ્બરથી 10 સપ્ટેમ્બર દરમિયાન કલા અને હસ્તકલા પ્રદર્શનનું પણ આયોજન કરવામાં આવશે.
ડબ્લ્યૂટીએમવર્લ્ડ રિસ્પોન્સિબલ ટુરિઝમ એવોર્ડ અને આઈસીઆરટી
ઇન્ટરનેશનલ સેન્ટર ફોર રિસ્પોન્સિબલ ટુરિઝમ (આઈસીઆરટી) એ બૌદ્ધિકોનું નેટવર્ક છે જે કેપ ટાઉન ઘોષણાને સમર્થન આપે છે. તેમાં ઘણી સંલગ્ન સંસ્થાઓ અને સંલગ્ન કેન્દ્રો છે. આઈસીઆરટીની સ્થાપના 2002 માં હેરોલ્ડ ગુડવિન દ્વારા પ્રવાસન સ્થળોમાં રિસ્પોન્સિબલ ટુરિઝમ અને 2002 ના કેપ ટાઉન ઘોષણાના પરિણામે કરવામાં આવી હતી. આઈસીઆરટી નેટવર્કના સભ્યો રિસ્પોન્સિબલ ટુરિઝમની વિભાવનાને વિકસાવવા અને તેને પ્રોત્સાહન આપવાનો પ્રયત્ન કરે છે. આઈસીઆરટી દ્વારા વર્ષ 2004થી વર્લ્ડ રિસ્પોન્સિબલ ટુરિઝમ એવોર્ડની શરૂઆત કરવામાં આવી હતી. એવોર્ડનો ઉદ્દેશ્ય વિશ્વમાં રિસ્પોન્સિબલ ટુરિઝમને પ્રોત્સાહન આપવાનો અને લોકો/સંસ્થાઓ દ્વારા આ ક્ષેત્રમાં કરવામાં આવી રહેલા સારા કામો વિશે જાગૃત કરવા છે.
વર્લ્ડ રિસ્પોન્સિબલ ટુરિઝમ એવોર્ડ 10 વિવિધ કેટેગરીમાં આપવામાં આવે છે. અત્યાર સુધી આ એવોર્ડ લંડનમાં ડબ્લ્યૂટીએમ પ્રોગ્રામમાં આપવામાં આવતો હતો. પ્રથમ વખત ઈન્ડિયા એન્ડ સબકોન્ટિનેન્ટ એવોર્ડનું આયોજન લંડનની બહાર ભોપાલ (મધ્યપ્રદેશ)માં કરવામાં આવી રહ્યું છે. આ એવોર્ડમાં ભારત ઉપરાંત પાકિસ્તાન, શ્રીલંકા, ઈન્ડોનેશિયા, ભૂટાન, મલેશિયા અને નેપાળ જેવા દેશો ભાગ લેશે. એવોર્ડના વિજેતાની પસંદગી ડો. હેરાલ્ડ ગુડવીનની આગેવાની હેઠળની આંતરરાષ્ટ્રીય જ્યુરી દ્વારા કરવામાં આવશે.
એવોર્ડ શ્રેણીઓ
- ડેકાર્બોનાઇઝિંગ ટ્રાવેલ એન્ડ ટુરીઝમ
- સસ્ટેનિંગ એમ્પાલાઈઝ એન્ડ કમ્યૂનિટી થ્રૂ પેન્ડેમિક
- ડેસ્ટિનેશન બિલ્ડિંગ બેક બેટર પોસ્ટ કોવિડ
- ઇન્ક્રીઝ ડાયવરસિટી ઇન ટૂરિઝમ, હાઉ ઇન્ક્લૂઝિવ ઈઝ અવર ઇન્ડસ્ટ્રીઝ
- રિડ્યૂસિંગ પ્લાસ્ટિક વેસ્ટ ઇન ધ ઇનવાયર
