મેસેજિંગ એપ વૉટ્સએપએ થોડાક મહિના પહેલા ડીલીટ ફોર એવરીવન ફીચર લોન્ચ કર્યુ હતું. આ ફીચરની મદદથી વૉટ્સએપ યુઝર ભૂલથી મોકલવામાં આવેલા મેસેજને ડીલીટ કરી શકે છે. શરુઆતમાં યુઝરને આ મેસેજ ડીલીટ કરવા માટે માત્ર સાત મિનિટનો સમય આપવામાં આવ્યો હતો. તાજેતરમાં કંપનીએ આ લિમિટ વધારીને 4096 સેકન્ડ(એક કલાક, 8 મિનિટ અને 16 સેકન્ડ) કરી દેવામાં આવી છે.
આ નવા ટાઈમ અપડેટને સૌથી પહેલા એન્ડ્રોઈડ બીટા વર્ઝનમાં જોવામાં આવ્યું. હવે કંપનીએ iOS યુઝર માટે પણ નવો ટાઈમ અપડેટ આપ્યો છે. વૉટ્સએપ અપડેટ્સને ટ્રેક કરનારા WeBetaInfoના ટ્વિટર અકાઉન્ટ પર કહેવામાં આવ્યું છે કે, એપ સ્ટોર પર વૉટ્સએપનું નવું અપડેટ ઉપલબ્ધ છે. આ અપડેટ બગ ફિક્સ માટે છે, પરંતુ Delete for everyone ફીચર માટે ટાઈમ લિમિટને 1 કલાક, 8 મિનિટ અને 16 સેકન્ડ સુધી વધારવામાં આવ્યો છે.
આ ફીચર ગ્રુપ અને પર્સનલ ચેટ બન્નેમાં કામ કરે છે. કોઈ મેસેજને ડિલિટ કરવા માટે યુઝરે તે મેસેજ સિલેક્ટ કરવાનો રહેશે, જેને ડિલિટ કરવાનો છે. હવે ચેટ વિન્ડોમાં ટૉપ બારમાં સ્ટાર, રિપ્લાય, કૉપી, ફોરવર્ડ, ઈન્ફર્મેશન અને ડિલીટ જેવા ઓપ્શન મળશે. તમે ડિલીટ ફોર એવરીવન અથવા ડિલીટ ફોર યોરસેલ્ફ વિકલ્પમાંથી કોઈ વિકલ્પ સિલેક્ટ કરી શકો છો. ઉલ્લેખનીય છે કે તાજેતરમાં સામે આવ્યુ હતું કે અમુક યુઝર ‘Delete for everyone’ ફીચરની વધેલી ટાઈમલાઈનનો દુરુપયોગ કરે છે.
કંપનીએ જોયું કે અમુક યુઝર એપના મોડિફાઈડ વર્ઝનનો ઉપયોગ કરી રહ્યા છે અને 3 વર્ષ જૂના મેસેજ ડિલિટ કરી રહ્યા છે. આ રોકવા માટે વોટ્સએપે Block Revoke Request ફીચર પણ લોન્ચ કર્યું.
