કેનેડિયન સિટીઝનશિપ મિનિસ્ટર સીન ફ્રેઝરે બુધવારે (૩૧ મે) દેશના ફ્લેગશિપ ઇકોનોમિક ઇમિગ્રેશન મેનેજમેન્ટ સિસ્ટમ હેઠળ એક્સપ્રેસ એન્ટ્રી માટે કેટેગરી-આધારિત કાઉન્સેલિંગની જાહેરાત કરી હતી. કેનેડાના કેટેગરી આધારિત કાઉન્સેલિંગ હેઠળ, ફ્રેન્ચ ભાષા પર સારી પકડ ધરાવતા લોકોને પ્રાથમિકતા આપવામાં આવશે. કેનેડાની એક્સપ્રેસ એન્ટ્રી સિસ્ટમમાં કરાયેલા ફેરફારોથી કુશળ શ્રમિકોને બોલાવવાનું અને તેમને કાયમી ઘર આપવાનું સરળ બનશે. કેનેડા તેની નવી એક્સપ્રેસ એન્ટ્રી હેઠળ વિશ્વભરમાંથી કુશળ શ્રમિકોને બોલાવવાનો પ્રયાસ કરશે. કેનેડાની એક્સપ્રેસ એન્ટ્રી સિસ્ટમમાં કરવામાં આવેલા ફેરફારોથી ભારતીયોને ઘણો ફાયદો થવાનો છે, કારણ કે સમગ્ર વિશ્વમાં ભારતીય કુશળ વ્યાવસાયિકોની ભારે માંગ છે. કેનેડામાં પહેલેથી જ મોટી સંખ્યામાં ભારતીયો છે, જે ૧૪ લાખની નજીક છે. આ સમગ્ર દેશની વસ્તીના ૧.૪ ટકા છે. કેનેડાની આ નવી એક્સપ્રેસ એન્ટ્રી સિસ્ટમની મદદથી ભારતીયો પરમેનન્ટ રેસિડેન્સી મેળવી શકશે. વર્ષ ૨૦૨૧માં, ૪,૦૫,૯૯૯ લોકોએ કેનેડામાં કાયમી રહેઠાણ મેળવ્યું હતું, જેમાંથી ૧,૨૭,૯૩૩ એટલે કે એક તૃતીયાંશ વસ્તી ભારતીયો હતા.
બ્રાઝિલમાં અનરાધાર વર્ષાએ તબાહી મચાવી, ૧૦ ના મોત
છેલ્લા કેટલાયે દિવસોથી બ્રાઝિલ અનરાધાર વર્ષાએ માઝા મુકી છે, બુધવારે સાંજે યોજેલી પત્રકાર પરિષદમાં રાજ્યના ગવર્નર એડયુઆર્ડો લીટેએ કહ્યું હતું...
Read more