અમદાવાદ : ભારતની પ્રીમિયર સ્થાનિક અને આંતરરાષ્ટ્રીય ક્રૂઝ વ્યવસાય ઝેન ક્રૂઝીસે પ્રથમ બ્રાન્ડ જલેશ ક્રૂઝીસ લોંચ કરી છે, જે મલ્ટિ-ડેસ્ટિનેશન ક્રૂઝ લાઇન છે. આ મધદરિયામાં ક્રૂઝ શ્રેષ્ઠ મનોરંજન શો, સાહસિક પ્રવૃત્તિઓ અને આંતરરાષ્ટ્રીય સ્તરનાં આતિથ્ય સત્કાર સાથે વિવિધ સ્વાદિષ્ટ વ્યંજનોનું પેકેજ ઓફર કરે છે. જલેશ ક્રૂઝીસ – એટલે કે જળનાં દેવની ડિઝાઇન સ્થાનિક અને આંતરરાષ્ટ્રીય પ્રવાસીઓને ભારતીય સંસ્કૃતિ, હોસ્પિટાલિટી અને ફૂડનો શ્રેષ્ઠ અનુભવ ઉપલબ્ધ બનાવવા માટે બનાવવામાં આવી છે. ક્રૂઝમાં વિવિધ પ્રકારની ઓફર સાથે જલેશ ક્રૂઝીસ ભારતીય પ્રવાસીઓ માટે નવા કસ્ટમાઇઝ અનુભવો ઓફર કરવા વેકેશનર્સ, કોર્પોરેટ, વેડિંગ પ્લાનર્સ અને ઇવેન્ટ ઓર્ગેનાઇઝર્સને લક્ષ્યાંક બનાવશે.
જલેશ ક્રૂઝીસ એના જહાજો પર વયોવૃદ્ધ લોકો અને વિકલાંગ પેસેન્જર્સ માટે ખાસ બનાવવામાં આવેલા રૂમ અને બ્રાન્ડની સુવિધાઓ સાથે સર્વસમાવેશકતાને ઓફર કરે છે. બ્રાન્ડ હેઠળ પ્રથમ જહાજ એપ્રિલ, ૨૦૧૯માં મુંબઈથી સફર શરૂ કરશે. સફર અગાઉ ૨,૦૦૦ પેસેન્જર ધરાવતાં જહાજની પરંપરાગત નામવિધિ થશે. ઝેન ક્રૂઝીસનાં પ્રેસિડન્ટ અને સીઇઓ જર્જેન બેઇલોમે કહ્યું હતું કે, ઝેન ક્રૂઝીસ સ્થાનિક અને આંતરરાષ્ટ્રીય એમ બંને દરિયાઓમાં ભારતીય પેસેન્જર્સ માટે ક્રૂઝ હોલિડેમાં પથપ્રદર્શક છે. અમારી પ્રીમિયર બ્રાન્ડ જલેશ ક્રૂઝીસ ભારતમાં પ્રવાસન અન આનુષંગિક વ્યવસાયોની વૃદ્ધિમાં પ્રદાન કરીને ઇન્ક્રેડિબલ ઇન્ડિયાનો આત્મા, સંસ્કૃતિ અને મૂલ્યો જાળવવામાં માને છે.
જલેશ ક્રૂઝીસ ક્રૂઝર્સને સંપૂર્ણ અનુભવ આપશે, જે વ્યંજનો, રહેણાક, વેલનેસ અને રિટેલ થેરપી, સાહસ અને મનોરંજનનો શ્રેષ્ઠ અનુભવ પ્રદાન કરશ, જે વિશિષ્ટ વેકેશનમાં સંયુક્તપણે સંપૂર્ણ પેકેજ છે. બેઇલોમે ઉમેર્યું હતું કે, ઝેન ક્રૂઝીસ આખા ભારતમાં ક્રૂઝ બજાર વિકસાવવા ઇચ્છે છે. અમારો મુખ્ય ઉદ્દેશ લાખો ભારતીયોનાં જીવનને સ્પર્શવાનો, તેમને ખુશ કરવાનો અને શ્રેષ્ઠ અનુભવ આપવાનો તથા તેમને વર્ષ ૨૦૨૫ સુધી દુનિયાની સફર કરવા પ્રેરિત કરવાનો છે. ક્રૂઝ પેસેન્જર્સને વેકેશનનો સંપૂર્ણ અનુભવ આપવા જલેશ ક્રૂઝીસ ચેન્નાઈ, કોચી, મર્મગોવા, મુંબઈ, વિઝાગ સહિત ભારતનાં દરિયાકિનારાનાં પ્રવાસન કેન્દ્રો તથા અબુ ધાબી, કોલંબો, દુબઈ, મસ્કત, પેનાંગ, રાસ અલ ખૈમાહ અને સિંગાપોર સહિત આંતરરાષ્ટ્રીય સ્થળોને પ્રવાસ ઓફર કરશે. જલેશ ક્રૂઝીસ જહાજમાં પેસન્જર્સન બ્રોડવે શો, રોમાંચક રમતો, મેજિક શો, લાઇવ મ્યુઝિક કોન્સર્ટ, ડાન્સ શો, શોપિંગ અને અન્ય અનેક મનોરંજક શો સાથે ખુશ કરશે. જલેશ ક્રૂઝીસ પેસેન્જર્સની પસંદગી મુંજબ ભોજન માટે રેસ્ટોરાંનો શ્રેષ્ઠ અનુભવ આપશે, જેમાં જૈન વાનગીઓ અન ભોજન સામેલ છે.
