અમદાવાદ : ભારતની સૌથી મોટી ફિટનેસ ચેઈન તલવાલકર્સ લાઈફસ્ટાઈલ્સ લિમિટેડ દ્વારા તા.૨૦મી જુલાઈથી શરૂ થયેલા તેના લોકપ્રિય ‘વાર્ષિક ફિટનેસ ફેસ્ટિવલ’ની જાહેરાત કરી છે, જેમાં તેની વાર્ષિક મેમ્બરશિપ ફીમાં ૪૫ ટકા સુધીનું ડિસ્કાઉન્ટ ઓફર કરવામાં આવ્યું છે. આ સાથે જ હેલ્થ કોન્સીયસ લોકો અને જીમના રસિયાઓ માટે ભારતની સૌથી મોટી ફિટનેસ ચેઈન તલવાલકર્સ લાઈફસ્ટાઈલ્સ લિ.દ્વારા તા.૨૦મી જુલાઈથી તા.૧૧મી સપ્ટેમ્બર સુધી આકર્ષક ઓફર રજૂ કરવામાં આવી છે એમ તલવાલકર્સના એમડી પ્રશાંત તલવાલકરે જણાવ્યું હતું.
તેમણે વધુમાં જણાવ્યું હતું કે, દેશના ૮૫ શહેરોમાં ૨૫૧ જીમ સાથે આ જીમ ચેઈનનો આશય બે વર્ષ માટે ૧૦ ટકા સુધી અને ૩ વર્ષની મેમ્બરશિપ માટે ૧૫ ટકા સુધીની ઓફર દ્વારા સભ્યોની સંખ્યા વધારવાનો પણ છે. બધા જ વર્તમાન અને નવા સભ્યો આ ઓફરનો લાભ મેળવી શકશે. તલવાલકર્સ અત્યાધુનિક સુવિધાઓ, અજોડ અને નવીન વર્કઆઉટ્સ અને નિષ્ણાતો પાસેથી યોગ્ય માર્ગદર્શન અને એક ફિટનેસ સેન્ટરમાં એક માહિતગાર ગ્રાહક શોધતો હોય તે બધી જ સુવિધાઓ ઓફર કરે છે.
તલવાલકર્સ લાઈફસ્ટાઈલ લિમિટેડના એમડી પ્રશાંત તલવાલકરે ઉમેર્યું હતું કે, આ વાર્ષિક ઓફરની અમારી ૪૭ વર્ષની પરંપરા ભારતમાં ૯૦ ટકાથી વધુ જીમ ચેઈન કરતાં જૂની છે. તે માત્ર અમારા વારસાની ઊજવણી નથી, પરંતુ કાર્યકારી શ્રેષ્ઠતા પણ છે. અમે અમારા ગ્રાહકોને સૌથી શ્રેષ્ઠ સ્વાસ્થ્ય સેવાઓ પૂરી પાડવા અને સ્વસ્થ જીવન પદ્ધતિ માટે પ્રોત્સાહિત કરવા કટીબદ્ધ છીએ. અમારી ‘વાર્ષિક ફિટનેસ ફેસ્ટિવલ’ ઓફર મારફત અમારો આશય ઘણી નીચી કિંમતે આકર્ષક પેકેજ ઓફર કરવાનો, પ્રત્યેક વ્યક્તિના દૈનિક જીવનમાં ફિટનેસને મહત્વપૂર્ણ બનાવવાનો છે.
એ નોંધવામાં આવ્યું છે કે અનેક લોકો જીમની જંગી ફીના કારણે તેમાં જોડાતા નથી. તેથી, અમે અમારી વાર્ષિક ડિસ્કાઉન્ટ ઓફર મારફત અમારા ગ્રાહકોનો બોજ હળવો કરવાનો સતત પ્રયત્ન કરીએ છીએ. અમારી મુખ્ય અગ્રતા હંમેશા અમારા ગ્રાહકોને પ્રીમિયમ અનુભવ અને સુસંગત સેવાઓ પુરી પાડવાની હોય છે. વિવિધ ફિટનેસ વિકલ્પો સાથે વ્યક્તિગત માર્ગદર્શનની અમારી સુવિધા અમારા સભ્યો માટે સમૃદ્ધ અનુભવ સમાન બની રહે છે. અમે અમારા ગ્રાહકો માટે સર્વશ્રેષ્ઠ વેલ્યૂ જાળવી રાખવા અમારા ટ્રેઈનિંગ ઈન્સ્ટ્રક્ટર્સ અને અમારા સાધનોમાં ખૂબ જ સારું રોકાણ કરીએ છીએ. અમારું માનવું છે કે તલવાલકર્સ સ્વસ્થ જીવનપદ્ધતિ શરૂ કરવા માટે અમારા ગ્રાહકોને મદદરૂપ થવા માટે વિશિષ્ટ સ્થાન ધરાવે છે. જે આગામી દિવસોમાં ફિટનેસ પ્રેમીઓમાં લોકપ્રિય બની રહેશે.
