મુંબઇ : નેશનલ એવોર્ડ વિજેતા અભિનેત્રી તબ્બુએ માહિતી આપતા કહ્યુ છે કે તેની આવનાર ફિલ્મ દે દે પ્યાર દે માત્ર રોમેન્ટિક અને કોમેડી ફિલ્મ નથી બલ્કે માનવી સ્વભાવ સાથે જોડાયેલી ફિલ્મ છે. તબ્બુએ કહ્યુ છે કે તેને આ પ્રકારના રોલ તેની કેરિયરમાં પહેલા ક્યારેય કર્યા નથી જેથી તે આ પ્રકારની ભૂમિકા કરવા માટે તૈયાર થઇ રહી છે. તબ્બુએ કહ્યુ છે કે ફિલ્મમાં તેની ભૂમિકા ખાસ પ્રકારની રહેલી છે. ફિલ્મની પટકથા એક અસમાન્ય સ્ટોરી લાઇન પર આધારિત છે. જે રસપ્રદગ અને યુનિક સંબંધ પર આધારિત છે. ફિલ્મ હળવાશના મુડમાં તમામ લોકોને પસંદ પડનાર છે.
અભિનેત્રીએ કહ્યુ છે કે આ ફિલ્મ માત્ર રોમેન્ટિક અને કોમેડી ફિલ્મ નથી. તેમા કેટલીક નવી બાબતો રહેલી છે. તબ્બુના કહેવુ મુજબ જુદી જુદી વયના લોકોના અભિપ્રયા લાઇફને લઇને કઇ રીતે જુદા હોય છે તે આ ફિલ્મ મારફતે જાણી શકાશે. આ ફિલ્મની પટકથા એવી બાબતોને રજૂ કરે છે તે પોતાની લાઇફમાં રોજ આ પ્રકારની સ્થિતીનો સામનો કરે છે. ફિલ્મમાં તબ્બુ અજય દેવગનની સાથે નજરે પડનાર છે. ફિલ્મ ૧૭મી મેના દિવસે દેશભરમાં રજૂ કરવામાં આવનાર છે. ફિલ્મમાં અજય દેવગનની સાથે રકુલ પ્રિતની મુખ્ય ભૂમિકા છે. જાણકાર લોકોના કહેવા મુજબ ફિલ્મ તમામ ચાહકોને ગમી જશ. ફિલ્મને લઇને નવી નવી માહિતી હવે સપાટી પર આવી રહી છે. ફિલ્મના પોસ્ટર અને ટ્રેલરને પોઝિટીવ જવાબ મળી રહ્યો છે.
હવે મેકર્સ ફિલ્મના ટ્રેલરની સાથે સાથે પ્રથમ ગીત પણ રજૂ કરી ચુક્યા છે. વડ્ડી શરાબન નામના ગીતમાં અજય અને રકુલ નજરે પડી રહ્યા છે. તેમની કેમિસ્ટ્રી લોકોને પસંદ પડી રહી છે. ગીતને જાઇને કહી શકાય છે કે રકુલ એક લગ્ન પ્રસંગમાં ડાન્સ કરી રહી છે. ગીતને બાસ્કો સીજર દ્વારા કોરિયોગ્રાફ કરવામાં આવ્યુ છે. જ્યારે ગીત કુમાર દ્વારા લખવામાં આવ્યુ છે. ગીતને અવાજ સુનિધી ચોહાણ અને નવરાજ હંસ દ્વારા આપવામાં આવ્યો છે. લીડ્સ, લેક અને ગાર્ડનમાં આ ફિલ્મના ગીતને કરવામાં આવ્યુ છે. નિર્દેશક આકિવ અલીએ કહ્યુ છે કે ગીત રકુલના કરેક્ટરના પોઇન્ટ ઓફ વ્યુથી છે જેથી રકુલને કેયરફ્રી એટિટ્યુડ અને પ્રસંગને ધ્યાનમાં લઇને રાખવામાં આવ્યુ છે. વડ્ડી શરાબન ખુબ રોમાંચક ગીત છે. આ ગીતના શુટિંગ વેળા ખુબ મજા કરવામાં આવી હતી. અજય દેવગન લાંબા સમય બાદ ફરી એકવાર કોમેડી અને એક્શન બાદ રોમેન્ટિક રોલમાં નજરે પડનારપ છે. અજય દેવગન હાલમાં કેટલીક ફિલ્મોમાં કામ કરી રહ્યો છે જેમાં તેની પોતાની પ્રોડક્શન હેઠળની ફિલ્મ પણ સામેલ છે. સાથે સાથે સુર્યવંશીમાં પણ તે નજરે પડનાર છે. અલબત્ત તેમાં તેની નાનકડી ભૂમિકા છે. સિંઘમના નવા પાર્ટમાં પણ તે કામ કરનાર છે. સાથે સાથે ગોલમાલ સિરિઝની ફિલ્મમાં પણ તે દેખાશે.
