ગઈ કાલે જૈન ધર્મનાં પવિત્ર પર્વ એવા પર્યુષણ પર્વના પાંચમા દિવસે નવા નરોડા ખાતે આવેલા શ્રી લક્ષ્મીવિલા જૈન સંઘના દેરાસરમાં મહાવીર જન્મવાંચનની ઊજવણી કરવામાં આવી હતી.
આ નિમિત્તે જીરાવાલા યુવક મંડળના યુવાનો અને યુવતીઓએ ભેગા મળી મૂળનાયક જીરાવલા પાર્શ્વનાથ ભગવાનની આંગી કરી હતી.
આંગીમાં સોના ચાંદીના વરખ, બાદલું તથા રત્નોનો ઊપયોગ કરવામાં આવ્યું હતું.
આ સિવાય જિનાલયને સાડીઓ, ફૂલો તથા અન્ય વસ્તુઓથી શણગારીને રંગોળી કરવામાં આવી હતી.
ભક્તિસંધ્યા અને કુમારપાળ રાજાની આરતીએ એક સમગ્ર વિસ્તારમાં અલૌકિક વાતાવરણનું સર્જન કર્યું હતું.
