મધ્યપ્રદેશના પ્રવાસનને વિશ્વ મંચ પર લાવવા અને ભૂટાનથી મધ્યપ્રદેશના પ્રવાસીઓને આકર્ષવાના ઉદ્દેશ્ય સાથે વેબિનારનું આયોજન કરવામાં આવ્યું હતું. ભૂટાનમાં ભારતીય રાજદૂત સુશ્રી રુચિકા કંબોજ, ભૂટાનના પ્રવાસન મહાનિર્દેશક શ્રી દશો દોરજી ધારાદુલ, એમપી સરકારના સંસ્કૃતિ અને પર્યટન વિભાગના અગ્ર સચિવ શ્રી શિવ શેખર શુક્લા આ વેબિનારમાં અગ્રણી રૂપે ઉપસ્થિત રહ્યા હતા.
મધ્યપ્રદેશના હેરિટેજ, વેલનેસ, બૌદ્ધ પર્યટન અને પ્રાકૃતિક પ્રવાસન સ્થળો વિશે વર્ણન કરતાં, અગ્ર સચિવ પ્રવાસન અને સંસ્કૃતિ અને મધ્યપ્રદેશ પ્રવાસન બોર્ડના મેનેજિંગ ડિરેક્ટર શિવ શેખર શુક્લાએ જણાવ્યું હતું કે આ વેબિનાર કોરોના સંકટ પછી ભારત અને ભૂતાનને પ્રવાસન આધારિત પ્રવૃત્તિઓ માટે એક સામાન્ય પ્લેટફોર્મ પૂરું પાડવા માટે એક મહત્વપૂર્ણ પહેલ સાબિત થશે. મધ્યપ્રદેશ ભૂટાનના પ્રવાસન પ્રેમીઓ, અગ્રણી ટ્રાવેલ એજન્ટ્સ અને ટૂર ઓપરેટરોને બૌદ્ધ પ્રવાસન, આધ્યાત્મિક, સુખાકારી, ગ્રામીણ, કુદરતી પર્યટન સાથે વૈભવી પ્રવાસન સુવિધાઓ પ્રદાન કરવા હંમેશા તૈયાર છે.
મધ્યપ્રદેશના પ્રવાસનમાં સાહસ અને પ્રકૃતિ પ્રેમીઓ માટે સ્કાયડાઇવિંગ, હોટ એર બલૂનિંગ, સાયકલ પ્રવાસો, કેમ્પિંગ, વાઇલ્ડલાઇફ સફારી, નાઇટ કેમ્પિંગ અને બીજી ઘણી પ્રવૃત્તિઓ છે. મધ્યપ્રદેશના પ્રવાસન સ્થળોને સિંગલ મહિલા પ્રવાસીઓ માટે સુરક્ષિત બનાવવા માટે ‘સેફ ટૂરિસ્ટ પ્લેસ ફોર વુમન’ નામની પહેલ શરૂ કરવામાં આવી છે.
શ્રી શુક્લાએ એ પણ માહિતી આપી હતી કે મધ્યપ્રદેશ પ્રવાસન બોર્ડ રાજ્યમાં બૌદ્ધ સર્કિટને રાષ્ટ્રીય અને આંતરરાષ્ટ્રીય સ્તરે પ્રોત્સાહન આપવા માટે સંપૂર્ણ રીતે સક્રિય છે તેમજ મધ્યપ્રદેશમાં સંસ્કૃતિ, વારસો, પ્રાકૃતિક વિવિધતા, વન્યજીવન એ વૈભવી અને સુખાકારી પ્રવાસનનું અનોખું મિશ્રણ છે જે વિશ્વમાં ક્યાંય જોવા મળતું નથી. મધ્યપ્રદેશ એક ટૂરિસ્ટ ફેન્ડલી રાજ્ય છે અને તેમાં દરેક બજેટમાં ટૂર પેકેજ ઉપલબ્ધ છે.
યુવરાજ પડોલે, ડેપ્યુટી ડાયરેક્ટર, ઓર્ગેનાઈઝિંગ એન્ડ માર્કેટિંગ, મધ્ય પ્રદેશ ટુરીઝમ બોર્ડે ઓડિયો-વિઝ્યુઅલ પ્રેઝન્ટેશન દ્વારા પ્રવાસનનાં વિવિધ ક્ષેત્રો વિશેની સમજ આપી હતી. તેમણે મધ્યપ્રદેશમાં સ્થિત બૌદ્ધ પર્યટનની શક્યતાઓ, વિશ્વ ધરોહર સ્થળો (ખજુરાહો, ભીમબેટકા અને સાંચી), રાષ્ટ્રીય ઉદ્યાનો અને અભયારણ્યો પર્યટનના દૃષ્ટિકોણથી, રૂરલ ટૂરિઝમ, એડવેન્ચર ટૂરિઝમ, વર્કેશન ઇન એમપી અને મધ્યપ્રદેશમાં આયોજિત વિવિધ સાંસ્કૃતિક, સંગીત અને ડાન્સ ફેસ્ટિવલ વિશે માહિતી આપી.
એમ્બેસેડર સુશ્રી રૂચિરા કંબોજે જણાવ્યું હતું કે, “ભારતની તમામ આંતરરાષ્ટ્રીય ફ્લાઈટ્સ 27 માર્ચથી શરૂ કરવામાં આવી છે. ભૂટાન પણ કોવિડ-19 પ્રોટોકોલને હળવું કરી રહ્યું છે. તેમણે મધ્યપ્રદેશના બૌદ્ધ પ્રવાસન સ્થળો ખાસ કરીને સાંચીના મહાન સ્મારકો પર પણ ધ્યાન કેન્દ્રિત કર્યું, જે હવાઈ, ટ્રેન અને માર્ગ દ્વારા ખૂબ જ સારી રીતે જોડાયેલા છે.
ભૂટાન પ્રવાસન પરિષદના મહાનિર્દેશક દશો દોરજી ધ્રાદુલે જણાવ્યું હતું કે, “અમે ખાસ કરીને મધ્યપ્રદેશ સાથે મળી પ્રવાસનને પ્રોત્સાહન આપવા માટે સંપૂર્ણપણે તૈયાર છીએ.
વેબિનારનું સમાપન કરતાં અગ્ર સચિવ શુક્લાએ ભૂટાનના બ્લોગર્સ, પ્રભાવશાળી વ્યક્તિઓ અને પત્રકારોને મધ્યપ્રદેશના સુંદર રાજ્યની મુલાકાતની ઓફર કરી.
