દસ દિવસમાં ગુજરાતના પ્રસિદ્ધ પ્રવાસન સ્થળોની ૪૨ લાખ ૭૫ હજાર ૯૫૨ પ્રવાસીઓએ મુલાકાત લીધી
ગાંધીનગર : દેશ-વિદેશના સહેલાણીઓમાં ગુજરાતના પ્રવાસન ક્ષેત્રો પ્રત્યે અનેરું આકર્ષણ છે. મુખ્યમંત્રી ભૂપેન્દ્ર પટેલના નેતૃત્વમાં, ગુજરાતના પ્રવાસન ક્ષેત્રને વિશ્વસ્તરે લઇ જવા તેમજ પ્રવાસીઓના અનુભવને અભૂતપૂર્વ બનાવવા માટે વિવિધ માળખાકીય સુવિધાઓ વિકસિત કરવામાં આવી છે. પરિણામે, ઉત્તરોતર બહોળી સંખ્યામાં પ્રવાસીઓ રાજ્યના અનેરા સોંદર્ય અને વિવિધતાને માણવા માટે પહોંચી રહ્યાં છે. આ વર્ષે દિવાળીની રજાઓ દરમિયાન, તા. ૧૧થી ૨૦ નવેમ્બર ૨૦૨૩ સુધી દસ દિવસના સમયગાળામાં, રાજ્યના ૧૮ પ્રવાસન આકર્ષણો અને યાત્રાધામની ૪૨ લાખ ૭૫ હજાર ૯૫૨ લોકોએ મુલાકાત લીધી હતી.
આ સમયગાળામાં ગુજરાતના પ્રસિદ્ધ આકર્ષણો જેમ કે, સ્ટેચ્યુ ઑફ યુનિટી, સ્મૃતિ વન, સીમાદર્શન-નડાબેટ, ગિરનાર રૉપ વે, સાસણગીર અને દેવળીયા પાર્ક, દાંડી સ્મારક, સૂર્ય મંદિર, રાણ કી વાવ, સોમનાથ મંદિર, અંબાજી મંદિર, પાવાગઢ મંદિર, દ્વારકા મંદિર, સાયન્સ સિટી-અમદાવાદ, અટલ બ્રિજ, કાંકરિયા તળાવ, વડનગર, ડાયનાસોર પાર્ક તેમજ અમદાવાદ મેટ્રો રેલવેનો આનંદ લેવા માટે બહોળી સંખ્યામાં લોકો પહોંચ્યા હતાં.
પર્યટન સ્થળ અને મુલાકાતીની સંખ્યા
(૧૧/૧૧/૨૦૨૩ થી ૨૦/૧૧/૨૦૨૩)
૧. સ્ટેચ્યુ ઑફ યુનિટી ૩,૦૩,૮૯૪
૨. સ્મૃતિ વન – ભુજ ૩૬,૩૯૧
૩. સીમાદર્શન – નડાબેટ ૫૭,૯૪૮
૪ ગિરનાર રૉપ-વે – જુનાગઢ ૫૯,૩૦૭
૫ .સાસણગીર અને દેવળીયા પાર્ક ૭૦,૬૩૪
૬ દાંડી સ્મારક – નવસારી ૨૭,૯૭૨
૭ સૂર્ય મંદિર – મોઢેરા ૩૧,૯૬૯
૮ રાણ કી વાવ – પાટણ ૩૬,૬૫૯
૯ સોમનાથ મંદિર ૪,૮૭,૯૭૪
૧૦ અંબાજી મંદિર ૬,૩૫,૭૬૦
૧૧ પાવાગઢ મંદિર ૫,૨૫,૪૧૦
૧૨ દ્વારકા મંદિર ૬,૧૮,૪૬૦
૧૩ સાયન્સ સિટી – અમદાવાદ ૮૩,૧૧૧
૧૪ અટલ બ્રિજ – અમદાવાદ ૧,૮૧,૬૯૨
૧૫ કાંકરિયા તળાવ – અમદાવાદ ૪,૪૫,૧૪૪
૧૬ વડનગર – ઐતિહાસિક નગર ૪૬,૪૫૩
૧૭ ડાયનાસૌર પાર્ક – બાલાસિનોર ૭,૬૭૮
૧૮ અમદાવાદ રેલ-મેટ્રો – ૬,૧૯,૪૯૬
પ્રવાસન ક્ષેત્ર, યાત્રાધામ અને નાગરિક ઉડ્ડયન ક્ષેત્રોના વિકાસ માટે બજેટ ફાળવણીમાં ૩૪૬% વધારો
રાજ્યમાં પ્રવાસન ક્ષેત્રના વિકાસ માટે અને સંલગ્ન પ્રવૃત્તિઓને વેગ આપીને, રોજગારીની નવી તકો ઊભી કરવા માટે રાજ્ય સરકારે અનેક પગલાં લીધા છે. વર્ષ ૨૦૨૩-૨૪ના રાજ્યના બજેટમાં પ્રવાસન, યાત્રાધામ અને નાગરિક ઉડ્ડયન ક્ષેત્રોના ફંડમાં ૩૪૬%નો વધારો કરવામાં આવ્યો છે. હેરિટેજ અને ઇકો ટુરિઝમ માટે ?૧૦ હજાર કરોડ સૂચિત કરવામાં આવ્યા છે. યાત્રાધામની મુલાકાતે જતા શ્રધ્ધાળુઓના અનુભવને બહેતર બનાવવા માટે યાત્રાધામ વિકાસ માટે ? ૨૦૭૭ કરોડની ફાળવણી કરવામાં આવી છે, જેમાં આકર્ષક પ્રવાસન સ્થળો, ધાર્મિક, સાંસ્કૃતિક અને એડવેન્ચર આકર્ષણો તેમજ ઇકો ટુરિઝમનો વિકાસ કરવામાં આવશે.
ય્-૨૦ બેઠકોના આયોજનથી રાજ્યના પ્રવાસન આકર્ષણો દુનિયાભરમાં પહોંચ્યા
તાજેતરમાં, ભારતની યજમાનીમાં આયોજિત થયેલી ય્-૨૦ બેઠકોનો એક દોર ગુજરાતમાં પણ રહ્યો હતો. રાજ્ય સરકારે, કચ્છના ધોરડો અને સ્ટેચ્યુ ઓફ યુનિટી જેવા વિશ્વકક્ષાના પ્રવાસન સ્થળોએ ય્-૨૦ બેઠકોનું સફળતાપૂર્વક આયોજન કરીને, ય્-૨૦ દેશના પ્રતિનિધિઓને રાજ્યના સમૃદ્ધ વારસાનો પરિચય કરાવ્યો હતો. ય્-૨૦ પ્રતિનિધિઓએ ધોળાવીરા, મોઢેરા સૂર્યમંદિર, અમદાવાદનો ઐતિહાસિક વારસો, ગિફ્ટ સિટી અને દાંડી કુટીર સહિતના આકર્ષણોની મુલાકાત લઇને તેની સરાહના કરી હતી. પ્રાચીન નગરોની મુલાકાત તેમના માટે એક યાદગાર સંભારણું બની હતી અને તેમના પ્રતિભાવોમાં તેમણે જણાવ્યું હતું કે આ સમગ્ર વિશ્વની ધરોહર છે, જેને આવનારી પેઢી માટે સાચવી રાખવી જરૂરી છે.
